Inagu

Inagu (伊娜谷香糯米)

Tbula Inagu nii ga niqan bi hangan na quri saw kana ka dpayay slaq, gaga bqanan pusu pnegalang Nantowseyn Jenaysyang alang Pulan ka hiya da, yasa niqan kingal nanaq knux na ka hngak niya ni malu bi ka kndkilan na uri. Qbhangan ka kari o qlhangan Tanah Tunux siida ka Taywan o, kndadax eseisil alang madas ghak tbula ka Tanah Tunux yahan na tmgsa hmuma seejiq alang Pulan. Mnhuma dha Tbula ga asi ka saan mgay Kmlawa Tanah Tunux ni bukung dha paru.

Tbula Inagu nii ga niqan dha ka smnru dha, kingal kari o Tanah Tunux ka mnadas msa, ensaan dha mgaaw kneinu na smkila alang hini na ghak, wada mgimax kana da. Kingal kari duri o Tanah Tunux ga, bqanan dhaphuma Seejiq Truku alang Pulan ka mngaaw dha ghak Tbula. Yasa alang ga niqan yayung slaq (mtudu) ka muda qluli ssiyaw alang, ana ka ndaan psnga elug qsiya yayung, , wada mdudul llaban ka elug qsiya yayung lmlamu balay ka siida qsiyau ayug mnssli na. Duri ni jiyan o butuh bi ka hraan hidaw, paru bi ka hidaw jiyan, kiya ni manu ka keeman ni jiyan ga ini bi ktna ka knskuy dha, kiya ka sknxan Tbula nii ga yasa mskuy ni ini pyahi nganguc mssli nanaq ruwan hiyi payay dhmi. Kiya ni yasa malu balay sknxan ni malu balay uqun ka Tbula hini, wada ngalan bbgay euqun tennoheka Tanah Tunux, kiya ka thnganan dha “Tbula Inago” da. Inago nii ga kari Tanah Tunux, payay ka dungus bi kari han. Tbula Inago o ida pniyah kari Tanah Tunux kiya, ririh na knmumun mhiyi na bubu payay.

Klwaan Tanah Tunux Siida, kndadax alang Truku (Brayaw, Busig Daya, Busig ska, Sadu ni Truwan) miyah thjil alang Pulan ka Seejiq Truku. Siida prajing hmuma payay slaq ka Seejiq Truku alang Pulan hiya, ida tngsaan Tanah Tunux ka euda nii. Mnsa ka qnbhangan kari, “Mnangal dha alang eseisil ka ghak dhquy nii, hmaan dha Inago siya(kiya ka alang Pulan) do wada mabang malu bi sknxan ni malu bi skanan uqun uri ka dhquy ksun nii. Yasa hiyi payay dhquy nii ga niqan ubal ka dudux na. Tmukuy payay dhquy siida ida qulung tmlung ubal na, maku mkrak ka hiyi tnlungan na, kiya ni manu ka seejiq alang Pulan do Tbula ksun dha ka payay dhquy nii da.

Manu ka seejiq tnealang hiya dga, ngalan dha gaya snkraya alang ka Tbula nii da, tduwa sluun pringan idaw, hlama tnkanan, tayamoci ni mririh saw knmalu bi uqun kealang tnpusu seejiq “idaw Tbula beuluh” ksun dha. Kiya do saw ka mssung ni mimah pntrai dha ga, uxay kiya o nasi niqan ka pnaah eseisil alang dadan ni dangi o ida malu bi sbgay dhyaan ka “Tbula Inago” nii.

Nasi saw kndusan knkla klwaan Cungkwo ka idaw payay dga, manu ka pnegalang Tbula Taywan ksun do ida mnhici rudan tnpusu seejiq Nantowseyn Jnaysyang ka knmalu bi Tbula nii. Nantowseyn Nunghwey sayang ga iyux pgalang quri saw knmalu na pnegalang Tbula Taywan kiya ni jiyax 20 idas 11 hngkawas 2002 siida thnganan dha “Tbula Inagu” ka pnegalang nii da.

Pteumal pptasun(資料來源)

劉育玲，2001，《臺灣賽德克族口傳故事研究》，國立花蓮師範學院民間文學研究所碩士論文。

鐵米拿葳依（曾瑞琳），1997，《泰雅賽德克族人食物及其典故》。臺北：唐山。