Pulan

Pulan（松林部落）

Gaga mniq Nantowseyn Jnaysyang ka alang pulan.

147 sapah ka kneegu na sapah, 521 hiyi ka kana knhbragan na hiyi. Tnpusu seejiq o mangal 95% niqan 496 hiyi sp, rahuq na uxay tnpusu seejiq o mangal 5% niqan 25 hiyi koia.

Kana ka kleegan seejiq ga, Seejiq/Seediq/Seejiq/Seejiq/Sediq80%, Tayal10%, Bunun3%, Truku1%.

Hangan alang（部落名稱）

Alang Pulan.

Tukubeycu na alang（部落特色）

Alang niyi pa mnualang Seejiq Truku.

Knlbangan（範圍）

Alang Pulan u wa mniq Jin-ay-go Cin-ay-cwen tudaya niya,msdalih Yayung Tudu, tudaya pa niqan Dwiyaq Kwan-to (1536 meyta) mi Dwiyaq Twey-wan (1524 meyta), tuhunac umslutuc alang Bukay, hruwan hidaw u lmutuc Kareyngko keyng, tudaya umsdalih Cwen-yang-cwen alang Snuwil mi Nan-fong-cwen alang Tongan, pryaxan hidaw pa  mslutuc nniqan niqan bay hangan “Cyu-pin Yi-cu” Wan-fong-cwen alang Qantabang.

Nniqan lnglingay (地理環境）

Dwiyaq baraw, hay-pa 1060m.

Quri ppanan rulu（交通資訊）

Mriq nanaq rulu：

Kndadax tudaya mi tukcka mi tuhunac ka dangi pa, malu muda Kwo-taw 1 Cong-san-kaw uxay daw Kwo-taw 3 Formosa kaw-su-kong-ru→Kwo-taw 6 Swey-sa-ryeynkaw-su-→mlatac Horikong-ru Pu-jong cyaw-ryo-taw→Hori Tay14 seyng  mquri Paran, dhuq Paran daw →Syeyn 83 seyng mquri Banday→Cing-ay-cwen→kiya ka dhuq alang Pulan da.

Tapa ppanan basu musa:

Snpeyyah Taycyu eyki Kan-cng tapa basu mquri Hori, dhuq Hori da wtapa Nan-to k-yun basu mquri Banday mi Cyu-pin (alang Qantabang), kingal diyax u mndha bay diyax ka basu mquri Banday mi Cyu-pin (alang Qantabang),kingal diyax u mndha bay diyax ka basu ppanun diyax na u 12：20╱16：00, uxay daw pusa qnawal Nan-to k-yun（049）298-4030~33.

Mriq otobay niya:

Snpeyyah Taycyu mquri So-tung mi Hori, dhuq Hori daw mquri Paran, dhuq Paran daw mquri Syeyn 83 seyng mquri Okubanday→Cing-ay-cwen, kiya  ka dhuq  alang Pulan da. (Usa Paran tmquri gasoring han mi kiya ka malu tmalang Dungan wah!)

Ppwaluk tyeyn-cu patas qtan alang （電子地圖連結）

Teyn-cu patas pkla nniqan  alang.

Klwanan sediq (部落所屬族群)

Seejiq Truku.

Sduwi na kari saya（當今使用語言）

Skari kari Seejiq Truku mi kari Telu.

Snlhayan snhiyan（宗教信仰）

Kiristokyo: Pulan Kiristo Cyoro pnrhulan, Pulan Sin Yasu pnrhulan.

Pnyahan alang (部落由來)

Spuda kari rnengaw kari rdrudan alang Pulan, alang hini pa mnuda mnspac muda thdil, tumntxan ka Ggin, tumndha thdil u Alang Brayaw, tumnturu u mneniq alang Gdaya (Alang Smudal saya),   nhdan balay  ka alang Pulan saya (alang Inago).

Sediq tnualang pa splawa dha alang Pulan,  Nihong jiday cida Han u Inago sunca haya dha, miyah  qduriq Taiwan ka Kokominto seyhu daw, wada dha pryuxun  tmhangan Song-rin ka alang hini da.

Kndadax alang Brayaw Sejiq Truku rudan cbiyaw miyah thdil alang hini, mwaya bay muda phiyu ka alang hini pa kngkawas 1930 idas 8 diyax 5. Hana rading u mniq tunarac sipaw mkngahu Yayung Tudu, Banday htranan qsiya hranan hidaw hunac ya bay 5km, nniqan saya tudaya 1060 m na dxral brnux  daya, splawa  dha Qeycing (mskuy balay nniqan) hiya, wana balay 9 sapah 15 hiyi sediq, beytaq phiyu ka lang niyi pa, pspuwan kana u 43 sapah mi 168 hiyi sediq, mntnaidas cida. niqan ka Seediq snpeyyah Paran 2 sapah mi 10 hiyi  sediq ka miyah  thdil hini.

Binaw wada prading msranaq ka  ndan kmciyuk Tanah Tunux  (Musya Jikeyng) cida, uxay wana qduriq tbrinah ka Seediq Paran, kiya mi snturung dndullan narux Nyey-ci dungan, niqan 14 sapah mi 74 hiyi sediq ka wada tbrinah thdil nniqan dha nanaq cbiyaw dungan, wada mlih dmka balay ka msngari niya. Babaw Musya Jikeyng daw, kiya ka duma ka Sediq spuda Towrih Nabus ka dmudul, snpeyyah Alang Brayaw thdil hini, musa  thdil sipaw  nniqan saya na Alang Baraw．

Qduriq miyah Taiwan ka Cyokoku Kokominto seyhu daw, Wada mnhdu smmalu ka elu Banday, prading niqan  ka basu mquri Hori mi tbrunah alang mi Banday, wada ngalan pusu bay mquri nganguc  ka Banday, iyux so pdungus ddaun elu mi, quri so knkana dxral tbulan. kiya ka ya bay mniq kngkawas 1950 daw msupu musa thdil alang Banday pryaxan hidaw ya bay 3 km dxral brnux. Phiyu nanaq burah alang nniqan dungan, kiya mi wada tmhangan alang Song-rin.

Quri pplahan mi sanan rmiwaw

Pusu tmiyu nniqan

Okubanday Lmiqu Sanan Rmiwaw, smudal alang Song-rin (Alang Daya), Langu Pi-hu, Banday Hacideynsyo.

Mhuway Su Tqiyan Sediq Icil.

http://nantou.mmmtravel.com.tw/index_m.php?ptype=ieb_c&L3_id=33014

http://nantou.mmmtravel.com.tw/index_m.php?ptype=ieb_c&L3_id=33014

Pnyahan pnatas (參考資料)

Wang-can Nan-to-keyng Jinay gokosyo:

http://www.renai.gov.tw/content/index.php?m=1&m1=8&m2=77

https://web.archive.org/web/20070103234633/http://visitnative.nat.gov.tw/songlin/INDEX.HTM

• 內政部戶政司全球資訊網
• 原住民族委員會全球資訊網統計資料