Wihi qhuni

Mtqiri riwas mkan nhapuy sbiyaw balay ka kndsan Truku o dmuuy baga kana, msaan bgu o kayu ksun ni mahan bguo wihi snalu qhuni, psramal kingal balay ka wihi mahan bgu, kiya do o kingal ruwan sapah mimah bgu ga mssriyux dmuuy kingal bi wihi nii ka mimah bgu, pusu na ka saw nii o kingal ruwan sapah nii ga mseupu ni mddayaw balay ni smkingal balay lnglungan dha uri, duri o ini balay psrabang ana manu qngqaya djiyun dha,Yasa saw nii ka kndsan dha kdjiyax do o ana musa ana inu ka snaw ida mttqnay kana dha, musa bbuyu tmsamat, musa psgburah dxgal, tmatak rnaaw ngalun dha bgurah qmpahan, ida mseupu ka laqi snaw ruwan sapah,aji wana hiya niqan ka phiyug smmalu bgurah sapah o musa dmayaw hiya kana dha uri. Kingal ruwan sapah o mqqaras balay msblaiq balay ka kndsan kingal ruwan sapah nii, yasa lnglungan dha ka dmuuy kingal balay wihi o mddayaw, mddudug, ni mssblaiq kndsan kdjiyax ni mseupu balay lnglungan. pnhiyug saw nii lnglungan dha o paah mseupu dmuuy kingal bi wihi mimqah bgu siida, Saw nii ka pusu balay tnegsaan rudan, ini bi ptraqil ka dhiya laqi kingal ruwam sapah Truku sbiyaw.

Pnyahan bnatas(參考文獻)

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.