Utux naqah

Utux naqah (賽德克族-鬼王)

Berah 50 knkawas han si we niqan utux mesa si, niqan utux meyah pskluwi seediq si; Ani seediq mqlmiqu tncamac si, saun na pskluwi uri si, utux naqah kiya kesun seediq.

Seediq mnita utux, netun su so seediq malu lehebun se, ini na yahi kmlui ka heya sa; mnetun so seediq naqah lnglngan si we, kiya sa saun na smiicu mesa.

Mntena seediq meniq alang uri, cbeyo si ani su so kleelwu mkkesa si, asi su qtai ka utux gaga smkesik uleluw hiya.

Saya di ge uka taan so meyah ptuura di, ani su naq tbburux mkkesa uri, uka ani kkingal ka utux meeyah ptqita isu uri, uka utux mmeeyah pskluwi seediq uri.

Saya de, ado ta gisu snuhei Tama Baro kana saya di.

Ani su mosa kleeru eluw so Huli, ma ani su naq meniq alang uri, ani keeman bobo ceka rabi uri, ga inu utux meeyah kmlui seediq uri.

Berah 50 knkawas, mntaan mu ba doriq ka seediq wada yahun mnais utux, saan na muwa ppalix kdere llmiqu hiya.

Bubu mu seyung naq so nii rmengo uri, yahun na gmluus madi ka seediq naq lhebun sa, ma saun na paalix kdere llmiqu hiya si; ma saun na paha so tgelaq duma naq si, ma sqpahun na geloq ka doriq na daha ka quwaq na.

Dseediq alang di ge, madis puniq meyah skadi seediq pnsaan kkdere lmiqu hiya, ado ka utux nii we mngungu halung, asi su nqa pscyuqun ka halung su cmebu, kiya sa maha su desun ka seediq.

Nknii, oda ndaan cbeyo ka nii, saya de uka utux meyah ttkita di.