Utux mnhuqil

Utux mnhuqil (惡靈)

Utux mnhuqil nii we utux seediq mqdunuq. Pgyaun riyung yami Seediq ka mqdunuq nii, ini sai mteme ani ima ka seediq mnqdunuq, cbeyo hayan si we ani tnsapah daha ini osa tmelung.

Mqdunuq (死於非命、意外死亡者)

Mqdunuq nii we seediq mnhuqil ngerac, uxe mnhuqil knrnexan daha meniq sapah, uxe mnhuqil knrudan daha duri, so ka mosa paangal tunux kaalang ma mnhuqil mosa lmiqu. Thdilun ta knxalan saya de, kika dseediq wada mhuqil mgedang nsaan daha mdakil ddgiyaq, mhuqil tnkuran rulu tnpaan daha ma mhuqil tnpaan daha otobay.

Utux mnugedang (孤魂野鬼)

Mesa kari rudan, utux mnugedang nii we kiya ka utux seediq ini nkala Hako Utux, kika utux mnugedang daka utux mnhuqil nii ka meeyah smeeliq seediq bobo dheran hini, mnarux ma mhuqil ka duma seediq, wano ba seediq mnpahung ka ini daha kmkeli smeeliq.

Pteumal pptasun (資料來源)

Tiwas Pawan、Pawan Nawi、Siyac Nabu ma Robo Pihu ka smneeru Dakis Pawan ka smnnetur