Uraw (宇老部落)

Gaga mniq Sincuseyn Ceynsusyang ka alang Uraw.

43 sapah ka kneegu na sapah, 181 hiyi ka kana knhbragan na hiyi. Tnpusu seejiq o mangal 94% niqan 171 hiyi sp, rahuq na uxay tnpusu seejiq o mangal 6% niqan 10 hiyi koia.

Kana ka kleegan seejiq ga, Tayal 91%, Amis 1%, Paiwan 1%, ni rahuq na o 2%.

ngayal Alang(部落名稱)

Alang Yuraw【Uraw】

Nniqan(所在位置)

Sincusen Censusyan Yuhongcun; irin na ruru Marikwong, hunac gqiyan hido ma hunac ckceka dgiyaq na Ritonsan. Dheran mcherus nii.

Luwan na alang seediq(部落所屬族群)

Tayalcu

Pskari(使用語言)

Kari Tayal, Kari Telu

Mpneyah na alang(部落由來)

Seediq Alang Yuraw ge pnneyah theruy kndalax Nangtosen, wada hmrinas teru kbekuy kawas pntheyu na alang nii. Ado wada muman mrana ka hei seediq, klaan daha ini baka dheran phumaan, kii de wada ptheruy icin ka duma seediq di, wada Siraker, Mamey, Pasu ma Lipu.

knklaan rmigo(旅遊觀光資訊)

Ssaan rmigo seediq

Ritonsan dheran nniqan ma sapah hniti ncbeyo

Hniti na dheran pncebu Censusyan seediq Tayalcu daka Tanah Tunux. Sapah hniti ncbeyo wada sliqan mnoda pccebu, ma huwa slmaqi kana, kii wada sliqan qnabil ma dnamux na. Sepac muxi ka Sapah hniti ncbeyo nii, berah mquri hunac ma mquri daya ka bukuy na, saya de wada kbrexun Cisyangcyu pheyu na Cisyangyiciswo. Mcherus ma kteetu eluw na mquri putin dgiyaq, qbhangun muuyas qbheni kleeluw, kii knmalu ba yahun daha rmigo mkkesa hini.

Yuraw paga pqtaan

Ga meniq payus dgiyaq berah daka bukuy na Censusyan, kii knmalu ba qtaan keeman ka hini, lnlamu bale niqal qqtaan plale ma qhuni hnneru meniq knprawan ckceka na dheran hini, ririh maha niqal pkrana psbeyax na kndkilan rmigo.

pnyahan pnataas

內政部戶政司全球資訊網
原住民族委員會全球資訊網統計資料
Hlidan na Walis Pawan(郭明吉) daka Bakan Temu(梁秀珍).