Tuqul臺灣紅豆杉
Tuqul(臺灣紅豆杉)[smmalu patas | ida npatas sspgan ka smmalu patas]
Beyhing bay qhuni mi msama ka tuqul nii, kiya ka wasaw na u wasil hnyuwan madas qumi hari, so hari mntna soki ka hnyuwan na, niqan dha buway hngak ka bukuy wasaw na, rhak nganguc na niqan uxay nduwa bay rhiq rhak, mhada daw mbanah da, mdakil ddwiyaq haypa ckcka mi llbu Taywan hini.
Mkray bay ihiyux mi mkkray elu bntasan hiyi qhuni ka tuqul nii, kiya ka malu bay smalu ddaun, snalu na qtinuh u sbuway dha smluun knmalu bay qqiya sapah mi qqtaan mhuma qhuni…dnii. Saya daw, adaw ka mdduwa smluun iyu ka tuqul nii, so kiya daw han dha umowuy mangal ka ita sediq uri, kiya uri u tnburux mhru ka pusu qhuni na, snkkingal mniq ddwiyaq, kiya ka wada psaan cikuh bay pqlhangan Seyhu ka qhuni nii.