Tr-04-Uuqan ni narux tannyaw ping Kari Truku：Away Buyung

Uuqan ni narux tannyaw ping Kari (飲食與糖尿病)

Pusu bi uuqun rudan sbiyaw o,masu,bunga,sari, sama dgiyaq ni ssamac lmiqu, asi dha hpuyui qsiya mhada do, stmun cimu da.

Nihung jiday Suxal han o Nihung ka mududu tmgsa ita seejiq mhuma payay, kiya do buwax nii ka pusu uqun sayang da.

kiya ka knthuway ini ktna ka kana ka uqan ita seejiq da.knxalan sayang o, uka hari seejiq ka emqpah dxgal uri da, hbaraw ka wada qmeepah quri so koba, ini sqepah nngalan dha nanaq, sduuy pila marig da.iyux pkeudus ka seejiq alang nii o, mhuma quri so tduwa pryuxun pila, saw kahue, ocya ni pinglang…,uuqan so sbiyaw ha o, ita nanaq ka mhuma ni kmtuy, yaa sa gaga sliqan knxalan sayang da, uxay uri o, asi ka marig nganguc ka buwax uri, ana mmahan o shiya. narux tannyaw ping nii o,asi ka ini hari ekan abura ni shiya, ququ ekan sama.

abura ni mrmun na o iya hari uqi kiya, iya imah snaw dnii ka pusu na balay.dnii kndusan knxalan sayang o, ini kklai manu ka mdungus na da,

yaa sa niqan saw nii ka knxalan ta sayang, kika ini hari biyaw meydang ka sjiqun ta Taywan nii.

Pnyahan bnatas(資料來源)

撰稿人: Away Buyung (白玉珍)

族  別: 賽德克族 德鹿谷人﹙Seejiq Truku﹚

校對者:詹素娥﹙族名: Lituk Teymu﹚

族  別: 賽德克族 德鹿谷人

整理者：Kumu Basaw (姑慕.巴紹)

族  別: 賽德克族 德鹿谷人﹙Seejiq Truku﹚