Tnheri ndaan Seediq Truku
Tnheri ndaan Seediq Truku
[smmalu patas | ida npatas sspgan ka smmalu patas]Pneeyah inu ka rudan ta cbeyo? yaani bale pneeyah kesun Hlawan Lukus, nii ge pnkela Kahabu, “naqah tunux rudan namu cbeyo, snkuxul ba musa tmlenga.” mesa. Wada daha pryuxun sino ma beras ka dheran daha, brigun Khabu kana ka dheran daha mesa ka Khabu. Kiya nii, bale ba rudan ta cbeyo, ini skuxul qmeepah, snkuxul bale musa tmlenga; musa dehuk alang Toda ma alang Truku, duma musa dehuk alang Brayo, kiya asi tnpusu meniq hiya di. Saya di ge, dheran Hlawan Lukus gaga, niqan Khabu di. Rmengo ka rudan Seediq gaga meniq Truku “wada mrana bale di. Kndalax hiya wada mswae di ma, wada quri Bukuy Dgiyaq hiya duma duri, kiya ka kesun alang Karenko saya.” Seediq mnosa tmlenga Bukuy Dgiyaq hiya, qmita malu ba ka dheran hiya, snkuxul meniq hiya, ma wada asi alix alang daha ma, musa therui Bukuy Dgiyaq, kiya dheya ge lutuc Seediq Truku kana duri. Nasi ba niqan tunux ka rudan ta cbeyo, maka ta meniq alang Hlawan Lukus hini ka ita di.