Tngkerzer(登革熱)

Preko mprana mnarux nii,ado wada qqyutun preko ruun Tngkerzer bobo na de,meniq mrana duma nniqan Lingpa ma spooda eluw na Lingpa daka dara mprana betaq hei ani inu,teru betaq mmsepac ali mgleing hei (betaq maxal sepac ali qnbsiyaq).

Pkela mnnarux na Mttilux hei (38℃~40℃), knnarux ba tunux,mnnarux bukuy na rudu doriq,uka beyax ma knnarux ba kana hei ma mnarux pungu ( kesun Twankuzer)。Maha rima betaq mpitu ali hari mttilux hei, meelih mttilux hei de maha meyah ka mgsima ( dqeras, nbuyas, kana hei qraqil ma tkriyak so hari tnhdagan dqeras mttanah,tapaq ma ini hari qtai ka msima na Tngkerzer,clokah ppexun msima na Tngkerzer de asi hari ini qtai, maha daha betaq sepac ali qtaan, mdengu ma mkkerak) 　

Ooda qlhangan:

Tg1,muman imah qsiya ma knegu ksange ka seediq mnarux ruun Tngkerzer.

Tg2, ga mnnarux ciida ka seediq mnarux ruun Tngkerzer., nasi wada qyutun preko mnarux, yaani maha meeru mnarux seediq, kii qmeya kadi preko ka meniq sapah isin,siicu qyutan preko.

Tg3, snterun kndkilan ka tnsapah,iya seli qsiya nlaxan ka sapah truma ma ngerac,ado siicu hmeru preko mnarux.

Tg4, wada qtaun so hari mnnarux Tngkerzer ciida de, pdaun pkela qnpluhan qmlahang kndesan ka sapah isin, maha asi peeyah seediq mquri tnsapah scwaqun iyu ka qnpluhan qmlahang kndesan.

Mqlahang knnarux na

Tg1, mttilux hei;imah egu qsiya,angal sekuy tpunu,trima qsiya muuxun.

Tg2,meyah msima;tkriyak msima bhege ka hei, rako tanah qtaan mtlibu msima ka hei,iya kmheti kmaguh,maha malu mangal baga clokah tmapaq ma sthuda hei meelih knarux,iya kmheti naq rmmicuh iyu,iya angal qsiya mttilux ka trima hei.

Tg3,mnnarux; mnnarux hei ma pungu, uxe wano msange tqeraq qlapo, malu biqun sttilux hei meelih qnnaqah mnarux duri.

Pnyahan pnatas (參考資料)

Tseeru na mptgesa Bakan Temu (梁秀珍) ka pnatis nii.