Tgiya tunux

Tgiya tunux (眩暈)

　Qnbahang ta kesun pusu mnarux nii we, ado naqah hari tnalang na ka ddara hei, duma naq we mnkambo (mtiiyus mnarux) duri peni,kiya ka mtgiya tunux di.

Mtgiya tunux ciida de maha twilaq ka doriq ma so sceecu mkpberih, uka brahan tutuy ma kksaan na we kingal naq hari duri, mbeyax tlamun ka toma bahak, mkala baro ka dara, ini hari qbahang ka birac,ini leexan qmita ka doriq duri, so nii ka krnexan na.

　Pgkela pkmalu ndaan nii:

• Tg.kingal:Msange tqeraq nniqan tqiyan na gseesu. 　
• Tg.daha: Ado kcugun mtakur ka tgiya tunux,mktutuy ciida we asi ka niqan seediq sdalun ssiyo,pllayun ptloung hayan ma sthuwe tuting bobo qlapo ma dyago wakun mkkesa.
• Tg.teru:Ini hrinas ceka rabi ka mtaqi   ma ini scuqi meepah.
• Tg.sepac:Smeung naq mimah kahwe, ocya,sino ma uuqun so mremun daha ka msibus duri.
• Tg.rima:Kntaanun tgiya tunux ka ali  ali de, asi ka ini ksange maha spuhan ma pqita ising.  

Mnetun su so nii di nhari mosa pqita ising:

• Tg.kingal:Ini alix tgiya tunux ma mnriyung mnarux duri peni.
• Tg.daha:Mnarux riyung tunux ma mkpberih ma so seecu peni.
• Tg.teru: Ini hari tkela.
• Tg.sapac:Mnarux nbuyas ma mnarux teerang, mnarux bukuy duri.
• Tg.rima:Mciicil ka kksaun
• Tg.mmteru:Amah ka qmita ani maanu (So hari mdaha kana ka qntaan )
• Tg.mpitu:Uka beyax ka icil baga daha ka papak, duma naq maxi(日) duri.

Pnyahan pnatas (參考資料)

• https://www.taic.mohw.gov.tw/public/hygiene/8ecf5ba5a6a5f780532062f8beed2b14.pdf#:~:text=%E6%87%89%E5%9C%A8%E5%AE%89%E9%9D%9C%E7%9A%84%E7%92%B0%E5%A2%83%E4%B8%8B%E8%87%A5%E5%BA%8A%E4%BC%91%E6%81%AF%E3%80%82%20%E6%AC%B2%E4%B8%8B%E5%BA%8A%E6%B4%BB%E5%8B%95%E6%99%82%E6%87%89%E9%9C%80%E6%9C%89%E4%BA%BA%E9%99%AA%E4%BC%B4%E6%89%B6%E6%8C%81%2C%E4%B8%94%E6%87%89%E5%85%88%E6%8E%A1%E5%9D%90%E5%A7%BF%E5%BE%8C%E5%BE%85%E9%A0%AD%E6%9A%88%E7%B7%A9%E8%A7%A3%E5%86%8D%E6%85%A2%E6%85%A2%E4%B8%8B%E5%BA%8A%2C%E4%BB%A5%E5%85%8D%E5%9B%A0%E7%9C%A9%E6%9A%88%E8%80%8C%E7%94%A2%E7%94%9F%E8%B7%8C%E5%80%92%E3%80%82,%E6%87%89%E9%81%BF%E5%85%8D%E5%B7%A5%E4%BD%9C%E5%A3%93%E5%8A%9B%E5%8F%8A%E7%9D%A1%E7%9C%A0%E4%B8%8D%E8%B6%B3%E7%9A%84%E6%83%85%E5%BD%A2%E3%80%82%20%E6%87%89%E7%9B%A1%E9%87%8F%E5%B0%91%E6%94%9D%E5%8F%96%E5%92%96%E5%95%A1%E3%80%81%E6%BF%83%E8%8C%B6%E3%80%81%E8%8F%B8%E3%80%81%E9%85%92%E3%80%81%E5%B7%A7%E5%85%8B%E5%8A%9B%E6%88%96%E5%A4%AA%E9%B9%B9%E7%9A%84%E9%A3%9F%E7%89%A9%E3%80%82%20%E7%9C%A9%E6%9A%88%E7%97%87%E7%8B%80%E9%80%9A%E5%B8%B8%E6%9C%83%E6%8C%81%E7%BA%8C%E6%95%B8%E6%97%A5%2C%E8%AB%8B%E5%9B%9E%E7%A5%9E%E7%B6%93%E5%85%A7%E7%A7%91%2F%E8%80%B3%E9%BC%BB%E5%96%89%E7%A7%91%E8%A4%87%E8%A8%BA%E7%B9%BC%E7%BA%8C%E8%BF%BD%E8%B9%A4%E6%B2%BB%E7%99%82%E3%80%82
• Tseeru na mptgesa Aking Puhuk (桂素芳) ka pnatis nii.