Tgebin/ Tubin/ Tuwbin(台灣櫸木)

Qhuni tgebin nii, egu riyung ka mhei ssiyo paran hini, ririyh so qhuni tnpusu hini ka heya.

　　Saadux qhuni tgebin nii, Malu bale phumaan ssiyo neepah ma, hmetun dheran ini ksunu ma ini pqluri dheran, ki mita tgebin de ini daha paqi pniqun daha naq hiya. 　　Kndudun paru ka tgebin nii de, menaq yxeyux denu, ki malu pniqun siyo elu ma ssiyo neepah. Qhuni ini qnaqah ma mdakin bbaro knkawas na duri.

　　Anu qhuni saadux ka tgebing nii, kiya ka malu ngalan smalu eruc sapah, duma naq seediq ngalan daha smalu bgiya tunun mgedin duri, anu saadux ma chedin doun, ton!ton!ton! si paru ka hrenang na, kuxun daha dmoi mqedin mesa.

　　Slmeun daha duhung tkanun macu ma hlama duri. Malu bale slmeun qyuqeya sapah. Ghuni malu ka tgebin nii.　　