Suguk
Suguk(大咸豐草）
[smmalu patas | ida npatas sspgan ka smmalu patas]
Spriq ka “suguc” ksun, ida kuxul bi hrpasun lqlaqi mniq alang dgiyaq daya ni mniq ssiyaw alang breenux. Ana nanaq saw drudan uxay uri o lqlaq o, qulung bi snqpahan suguc lukus kana, asi ka niqan jiyax knhuway lmamu kndadax babaw lukus ka mqalux ciway pakaw.
Lnmuan paah babaw lukus na ciway pakaw ga, nasi mtucing babaw dxgal ini kbsiyaq do nii tmbabaw duri ka spriq sunguc. Kiya ka kiya ni ana inu ida qtaan bi ka spriq suguc nii. Mniq alang dgiyaq daya ida qtaan bi ka mnusa qmeepah drudan, ana nanaq dqrijil, ana nanaq dsnaw o tluung nganguc sapah. Pprngaw kari ka quwaq dha, lmamu mqalux suguc ka baga dha. Nasi pklug mniq hiya ka lqlaqi o lwanu drudan, uxay kiya o miyax nanaq mteumal drudan lmamu suguc.
Duma o tluung siyaw rudan, duma o tluung brah rudan, qmbahang pprngaw kari ka drudan, lmamu mqalux suguc ka baga dha. Ida wada mqaras bi lmamu suguc ka lqlaqi uri.