Snruan kari mnuqih(二)

Snruan kari mnuqih(2)

Mnuda elug ni pntucing nuqih elug ka seejiq, sneegul bukuy mksa na seejiq ga, ida dha ini bi shngii ka gaya iya knhmuc mangal pncingan elug qyqaya, kiya ni ngalun dha ni qyanun dha babaw sida qhuni siyaw elug. Nasi meiyah miying dungan ka pntucing seejiq, qtaun dha gaga pqyanan babaw sida qhuni ka pncingan dha nuqih do, musa mqaras bi rmngaw ka quwaq na “Ma malu bi lnglungan na ka seejiq gaga, gaga na qyanun hini ka pncingan mu nuqih da. Malu seejiq ka hyaan tay saw musa qlhangun bi utux ni msblaiq bi hici ka kndusan niya” msa.

Gaya mnuqiq ga, ini kmhci mangal ka pncingan babaw elug na nuqih, uxay uri o snqihan nuqih. Ana ima na dqrijil o wada mangal pncingan babaw elug nuqih ni dsun na sapah dni naku nanaq msa do, snruan kari ga, nasi tmlaqi siida do musa mqriqu tucing ka laqi gaga nbuyas msa, manu ka laqi o bkiyu nuqih dni mhuqil mtucing da.

Niqan kingal ka ina tnsapah, hnlian payi na wada mangal waray ubal payi na sa. Dsaw nii mhili o ida paru bi cnsyaxan na, wada asi sliq qsahur ina ka daw kiya. Manu ka ina na o meisug bi ni naqih balay kuxul na siida, wada asi usa tbsqur kingal pusu qhuni siyaw gqiqaq niya.

Sbiyaw balay han o, ida mgaya bi ka drudan, ana nanaq kingal bi putuh nuqih, uxay uri o klgan waray mtucing dxgal do ida ini ngali wah! Ida mangal gaya nii ka rudan, stgsa dha lqian.

Pnyahan pnatas(參考資料)

Knklan kndusan Atayal Seejiq tminun pala sbiyaw-Tymi nAwi(曾瑞琳).

Tnhjil kari seejiq na Lituk Teymu(詹素娥).