Snluan kari quri quyu paru

Snluan kariquri quyu paru

Seuxal o musa maduk siida, ida ini bi angal ana kingal samac. Ana nanaq mneudus o ungac kana, ana nanaq huling o ungac kana uri, maku meisug balay kana ka ssamac Emptsamac ga prajing lmnglung, manu balay ka saw nii hug?

Kiya ni kkaraw pusu qhuni musa dhuq dudux pusu qhuni ka emptsamac, siida wada qmita kingal llabang bi dxgal breenux, knbreenux niya o saw bi endaan qmilis sjiqan. Dhiya ga tlamay musa maduk dungan, ida ungac qtaan na ka ssamac. Dhiya ga musa sdalih cikuh duri, saw bi niqan hngak ka ga hmguc dhiya, kla niqan kingal paru bi quyu. Rmngaw ka rudano, ada ka quyu paru gaga, ada ka paru ni embiyax bi ka quyu gaga.

Niqan knkla na rudan ga mangal embhgay btunux paru, ktluxun muduh han, yaa bi kingal idas muduh ka qnbsyaqan da, maa embanah ka btunux da. Kiya ni mquri btunux gaga mjiras, "Usa! Usa!". Yaasa mhguc hngak ka quyu paru, kiya ni wada na hgtun ka btunux da. Bukuy do qmbahang kingal saw empruq hnang, ida meisug bi ka dhiya uri, ini usa qmita nhari, duri ni tna sburaw sknxan ka paru bi quyu gaga da.

Pnyahan pnatas(參考資料)

Tnhjil Kari seejiq na Lituk Teymu(詹素娥).