Smmalu qngqaya

Smmalu qngqaya (織布的步驟)

tminun msa ka kari Truku o quri saw snalu tnguraw, djima, qwarux,

1. brunguy runguy owana kuyuh dmuuy, pusu bi qngqaya djiyun dha musa qmpahan, gbiyan miyah sapah do o mapa qhuni thuun mhapuy uqun, mapa bunga uqun dha, aji uri o mapa snwasan sqmu, kmtuy masu o mapa masu miyah sapah.
2. rawa Rawa nii snalu qwarux, nii o wana snaw ka mduuy apa dha samat nsaan dha bbuyu. Kingal mneudus ka merit o mtduwa rmuxun rowan rawa nii, aji uri o yaa piya mneudus pada ka prmuxun rowan rawa nii.
3. gupuq Gupuq o pusu bi djiyun snaw musa qmpahan ni musa bbuyu, gupuq o psaan uqun dsun snaw dha musa qmpahan aji uri o musa bbuyu ka kuyuh dha. Gupuq o tninun uraw snaw Truku, kngkingal snaw Truku o niqan nanak gupuq, yaasa hmdayu dmuuy guouq
4. bluhing Bluhing o pusu bi ddjiyun kndsan Truku sbiyaw. Wana uraw ka mtduwa tunun bluhing, kiya do o mkmtminun bluhing ka rudan Truku sbiyaw o musa kska dgiyaq miying uraw, yaasa uraw nii o mnegskuy hari dxgal dgiyaq mhru ni mdakil hiya. Bluhing nii o djiyun tmbus tnkanan masu, brisan, sqmu, pgu, basaw, lhngay. Duri o psaan hlama, aji uri o gtuan pnengalan.

參考文獻

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.