Smiyan Truku mquri brah

Smiyan Truku mquri brah （太魯閣族祭儀演進）

Truku mkBaraw o muda “SmiyanTmukuy masu、Smiyan Knciyan（7 idas~8 idas）ni smapuh utux rudan”.（2）Truku mkSiyaw o muda "Smiyan Tmukuy Masu、Smiyan Knciyan（10 idas ~ 11idas）"Mgay Bari" ni Phadur".

Truku ka mniq nniqan pnyahan dxgal Truwan sbiyaw siida, yaasa niqan ka paru hari dxgal breenux, kiya do Smiyan Knciyan（Mgay Bari）o mseupu mqaras kana ka klgan Truku. Kiya ka kiya ni yaa bi 250~400 hngkawas brah na siida mnkala “Dgiyaq Klbiyun （奇萊山）” tbarah miyah quri nklaan hidaw mkgarang mniq kska Dgiyaq Paru, kiya do ungat paru dxgal breenux ni muda nanak kngkingal alang dha nanak da. 20 iyax 1 idas 2006hngkawas babaw kndeaxan o mlawa kana Bukung alang, seejiq prngagan, emptgsa ni seejiq niqan bi knkla na,miyah mssli empprngaw saw manu ngalun ta hangan “Smiyan（祭儀）”, siida ka pnrngagan o wada mssruwa kana ni ngalaw ta "Mgay Bari" msa kana.Smiyan "Mgay Bari" sun o kiya ka suyang tgsaan lqlaqi ta bnbarah sayng ni niqan bi brihan kkndsan dha, miyah mqaras teumal Smiyan "Mgay Bari" ka dhiya uri. “Mgay Bari (感恩祭) ”ka pusu na o saw nii, “Mgay”o Mqaras quri utux tmninun mngay kana ana manu uqun,kana ana manu nii ta djiyun. "Bari" o utux tmninun,hiya o smnalu kana ana manu ni pgblaiq kana ana manu pnhuma, samat ni kana uqun nii ta djiyun, pbliqun ta na lala bi nngalan ta uqun.

Pusu bi psmiyan Mgay Bari o saw nii 感恩祭的意義

(1) mnlngu bi ttgsaan laqi Truku knxalan saying.

(2) brinah ta lmnglung kntmaan Truku sbiyaw,pgblaiq, kmlawa ni mqaras utux tmninun. Duri ni meysa pgblaiq lala nngalan ni msmsamat hkawas duri.

(3) pusu bi o kkla malu bi knkla kndsan ni ttgsaan aji uri o kkla bi smku.

Ga seerngaw Mgay Bari 感恩祭的目的

(1) Kntmaan quri utux rudan ni utux tmninun Truku sbiyaw.

(2) quri mqaras utux rudan ni utux tmninun Truku sbiyaw.

(3) quri kntmaan huya ksun mqaras utux rudan ni utux tmninun

pnyahan kari

口述:耆老 Iyang Taying, Yudaw Pisaw 2006