Smdehu lnqiyan
Smdehu lnqiyan ( 迎首祭)
[smmalu patas | ida npatas sspgan ka smmalu patas]Rudan miyan cbeyo yami Seediq nii ge niqan Gaya mosa lmaqi, kesun lmaqi nii we mosa mangal tunux pais ma desun daha alang. Madis tunux pais meyah alang ka seediq mnosa lmaqi de, smseman seediq alang ka tunux pais nungalan kii, nii kesun smdehu lnqiyan, ririh so smqaras meyah tuumal alang ka seediq ga ngalan tunux nii.
Dungus lmaqi（獵首的意義）
[smmalu patas | ida npatas sspgan ka smmalu patas]Mesa tmgesa yaku ka ddrudan: “Yaani maha trteru hari dungus na lmaqi nii. Tgkingal we pntuura daha mesa niqan beyax miyan qmlahang alang, seediq miyan, ddupun miyan ma dheran miyan. Knxalan cbeyo we mspais ka laalang ini pntena Gaya, netun nami mccebu kaalang ka yami Seediq Bale nii de, asi ka dehuk mangal tunux pais, knirih nami mesa niqan beyax miyan qmlahang alang. Tgdaha we Gaya miyan yami Seediq ka niqan patis dqeras. Asi ka riso mnangal tunux pais ka spatis miyan dqeras na, riso ka pntasan dqeras de kiya si kesun rseno ba bale ma Seediq ba Bale. Patis miyan dqeras nii ge pnskraya na mesa Seediq ku Bale, so kiya de gaga mggaaluk ka lmaqi daka patis nami dqeras nii. Tgteru we mesa knlwaan utux rudan miyan. Uka hiryo ma iyu cuwaq pnhgalang ka cbeyo, kika mpsratuc miyan de smkagul rsriso mnbeyax alang mosa lmaqi, mangal de kika smratuc miyan denu. Dungus na mangal mosa lmaqi nii we knirih na mesa gaga smruwa ka utux, mpuegu qolic ka repun namu knkawas nii mesa. So kiya ka bobo mnehu duri, ani naq egu nungalan maco ma ani naq naqah pnhei na we asi ka mosa lmaqi, egu nungalan we pghuwe ta utux, naqah pnhei na we mpesa ta gnaalu utux dungal” .
Pteumal pptasun(參考資料)
[smmalu patas | ida npatas sspgan ka smmalu patas]Tado Walis、Pawan Nawi、Awi Nobing、Tiwas Pawan ka smneru snteran Dakis Pawan整理