Skesik brhengin(棕葉蘆)

　Skesik brhengin ge speriq snkuxul meniq hhriqan kdkilan. Dheran mnsemun, qqahan btunux, ma ssbhuran; lmiqu ini kbbaro ma eebun hari, qqtaan meniq kdere ngahu, cenga bbtunux, ma mnsunu ssiyo ruru. Msuupu knkingal pupu mdakil.　

　　Sduduy qmuru na quri dheran, puto glahang mgqumi ka waso na. Mphepah ludux mttanah hari. Malu ba saangal sphuma quri sqalang eluw rnecux ma qqbilan so ttaasil kdere peni.

　　Mhada bale ka phepah na de mbhege hari. Skngalun qnburung sslmeyan skesik brhengin. Sphelah baga putting ka phepah, pgkmaxal knkingal qene; maxal qene ka ptpanan sbekuy qwarux, stinun so qapan baga peni. Kiya ka bkeyan pgtumun ka qmuru na ma, mhedu de gqiyan qreti pgkere dungan ka cenga na qmuru truma. Sqitun pgtena ka ddooyan puting na pnskere ddooyan hiya. So nii ka snlmeyan kesun skesik brhengin nii, malu ba ssikan sapah truma peni. 　　