Skesik/ Sksik/ Sksik(山棕)

Skesik ge, kingal ddooyan qyqeya smkesik smnetur. Qnburung pae ciida, asi ka pkrmanun smnetur ka rhengun hhdagan pae. Ssikan phdagan, kndxanan pntbeku ka waso skesik, kana ddheran, bbtunux, uka ini dai mangal. Qnkdhriqan ba ka ndaan snksikan na peni. 　

　Musa mangal sslmeyan skesik, knbaka naq ka sqitan. Kana qmuru ma waso, hdagun pgdngeyan tikuh. Sskngalun pknedux ptbeku. Qwarux ge, pckaan ngalan smmalu stinun, so spesak qtaan ka pngkere. Bobo na pkcaan posa qhuni sneengan naq urac waso na qmuru truma. Nii ka pgkere ddooyan na pnkndexan ka bnkeyan na skesik nii, bobo na ka sqitun kagun pgtena ka ddooyan na putting. Ki nii ka ddooyan snmalu waso skesik nii di. 　　Truma pusu na skesik nii, niqal mqalux so rudu kadi na kiya, slmeyan gsegus ssino, ma skesik uban rudu kadi, ma plkusan bungan qmuyux duri; ma sdamux behing ka waso na duri.

　　Rbagan ka mphepah mgceyas, malu ba sknexan peni; kuxul ba yahun skadi mekan na walu. Misan mhada mgtumun mtanah ka hei nadi, kuxul ba rriyung ppuqun na rqebux bgilaq peni. 　　