Shiya uqun rudan Truku sbiyaw
Shiya uqun rudan Truku sbiyaw 以前太魯閣族的美食
Pusu bi kndsan Truku o mqeepah dxgal,babaw mnhdu mtbiyax qmpah dxgal do kika musa tmsamat ka dsnaw da. Pusu bi phmaun dha o masu, pgu, basaw,sari, bunga ni sqmu. Masu nbaqu o pusu bi psnagun dha,kingal keelgan masu dhquy,kiya o ini tduwa phlmaun mkan.
tutu hlama 竹筒飯[smmalu patas | ida npatas sspgan ka smmalu patas]
Qulung niqan jiyax qrasan aji uri o muda psmiyan do ida mhapuy shiya bi uqun tutu hlama ni emu blbul ka kngkingal ruwan sapah Truku sbiyaw.saw nii ka muda pslamal mhapuy tutu hlama,
(1) rbgun qsiya ka payay dhquy yaa bi 7tuki aji uri o 8tuki.
(2) musa daya miying baka bi qthran aji uri o rqling ka djima.
(3) skkingal kulaw kmru ka djima.
(4) pdaun qsiya mtasaw snagun ka ruwan tutu djima.
(5) qgupun baga ka dhquy tqrun tutu ka rnbgan payay dhquy, bitaq tuma quwaq tutu ka qsiya ni buwax dhquy.
(6) paun ska kulu luan, psluun mhapuy yaa bi 2 iyax tuki do mhdada.
(7) ngalun ka tutu hlama ni pstahun ptleetu.
(8) nhdaan bi do sptatuk babaw btunux embgbaw ka tutu hlama, suyang bi sddjima ka knux ga lbuun lblak djima ka tutu hlama, shiya bi uqun.
emu blbul 香蕉飯[smmalu patas | ida npatas sspgan ka smmalu patas]
shiya bi uqun Truku sbiyaw o emu blbul, kari rudan Truku ga ini tdeuwa smluun emu blbul ka blbul balay qtaan ta sbrigan sayang.kiya o blbul tpaqan ka mtduwa smluun emu blbul.
Kari rudan ka smmalu emu blbul o saw nii,
(1) musa daya miying rnabaw blbul rungay. saw mha mhnuk ini kghgliq ga asi ka pdaun tahut pstalux,nii o mtduwa phuqil kuwi uri.
(2) rbgun qsiya yaa bi 6 tuki ajin uri o 7 tuki ka buwax payay dhquy aji uri o buwax brisan.
(3) pstmaqun ka mhada blbul ni pgmaxun powsa hiya ka buwax dhquy ajin uri o buwax brisan,
(4) lbuun rnabaw blbul rungay, maa hluyuq bkiyun gasil ka ssiyaw,psaun kulu luan hpuyun hiya yaa bi 2 tuki. Kika mhada da.
(5) niqan elug gay aka mkan ta emu blbul, dmuuy emu ka iril baga, hmrah gasil ni knhuway bi hmgliq rnabaw bubul narat baga. Mtqita ka emu do aji hmut knsuyang knux, shiya bi uqun ka mkam ta siida.
sinaw masu ni sinaw pgu 小米酒和紅藜酒[smmalu patas | ida npatas sspgan ka smmalu patas]
(1) masu dhquy nbaqu ka psnagun sinaw rudan Truku sbiyaw, masu dhquy nbaqu nii o ini dagun mkan.
(2) kingal duri ka psnagun bi rudan Truku sbiyaw o pgu.
(3) brusan nhuma rudan Truku sbiyaw hlmaun dha ni psnagundha uri. duri o smluun dha emu brisan.
pnyahan kari[smmalu patas | ida npatas sspgan ka smmalu patas]
資料來源: 口述 耆老Iyuq Ciyang 2015