Seydang(魚腥草)[smmalu patas | ida npatas sspgan ka smmalu patas]

Spriq qtaan ka seydang ksun, niqan saw qqsurux sknxan, kiya ni spriq ssqsurux ksun kari Tlu. Seydang ga smkila bi mhuriq dxgal, uxay uri o rrusaw. Ida gaga qtaan bi mhru mhuriq dxgal mmaku, ssiyaw kleelug, truma lhbung qhuni, mslutuc ni mseupu mhru hiya.

　　Rudan Seejiq sbiyaw o mkla saw ngalun mhapuy qsiya ni mahun bgu na ka seydang nii. Asi bbali kana ka gamil na ni asi dha hpui qsiya, uxay uri o hdagun dha ni sqyaan dha truma beybay sapah, kisa uxay pspungaw hici da.

　　Mnsa ka rdrudan sbiyaw “ Nasi meuwic balay ka qbubur, uxay uri o ungac biyax ka hiyi, mtalux ka hiyi do, angal hndagan seydang uxay uri o asi usa mabal spriq seydang, hpui qsiya, mahun ka bgu na do, tduwa mipix kntalux hiyi wah!” Mnsa uri ka rdrudan “hpuyun ka seydang nii do kla ini saw sqqsurux sknxan da, kla sklukah hiyi mahun ka bgu seydang nii.” seydang. 　　