Sero
Sero (九芎)
[smmalu patas | ida npatas sspgan ka smmalu patas]Sero nii ge qhuni mkere, mnhrehur waso na so mpmisan de mqrehaq ka rehaq qhuni na ma,kawas kawas na mqrehaq texal. Mheru so lmiqu llebu ka sero nii we ini kbbaro ma rqeling hari ka bubu na duri, netun hmeru so bbuyu paru dige bbaro ma qtehur ka bubu na denu.
Ooda nsero（九芎的用途）
[smmalu patas | ida npatas sspgan ka smmalu patas]Ngalan mpskere rako ware ka waso sero nii. Cbeyo we asi ka tminun naq pala ka mqedil miyan yami Seediq, uka kesun iyu mpsrako ware ka cbeyo ma, asi ka migin nanaq ka ppsrako daha ware, kika waso sero nii ge ngalan daha pskere rako ware. Mosa lmamu waso na ma stmaqun daha tmeetu, spuun daha rmebu waso na tnteyan ma beyuq waso na ka ware, ani naq teru hari patis hido rnbegan de phdagan daha di. Mdengu de pheun ma phdagan daha dungal, netun daha haun krebu yqeyaq mqalux ka ware pnheyan kii de, kiya ka ware daha qalux denu. Ado ka qhuni mkere ka sero nii, mosa lmiqu ka rseno miyan yami Seediq de, ngalan daha bheniq tlenga pada ma, ani naq bheniq tlenga miric ka sero nii. Ado mkere ka qhuni sero nii, ngalan daha qhuni mtahu ka sero nii de bsiyaq ka bagah na, kuxul lmungu pure ido yami Seediq.
Pteumal pptasun(參考資料)
[smmalu patas | ida npatas sspgan ka smmalu patas]Tado Walis、Pawan Nawi、Siyac Nabu ma Tiwas Pawan ka smneeru steran Dakis Pawan