Skuy(玉山箭竹)[smmalu patas | ida npatas sspgan ka smmalu patas]

Sekuy, meniq lmiqu dgiyaq brbaro hari so knbgurah snapo seedan dheran, murux knkingal hmmeru ka gamil tnpupu mdaqil ka pusu na. Kbrawan na so pnkcaan kingal baga musa betaq dehuk rima qnnango ka knbrawan hnyegan na duri. Mkere ba kndkilan muudus. Tnpupu hmeru qmuru ccida na ka lqeling uwaso. Mhungun qnedis niqal so rupun keruc ka siyo na; lbuwan tikuh tuwax ma niqal uban runge. Mphepah mgceyas, mgdoriq tnttanah ka hei na. Mpgimax qhuni meniq lmiqu mquri hido ma so ssbhuran. Bobo hnduran puniq ka lmiqu, saya ba snugamil mpsnapo kngheti ka hnreyan na peni.

　　Puqun ka lexi sekuy. Ngalan ssalu puqan, qlangan, stinun rawa, ma slmeun budi, sdurang musa lmiqu duri ka sekuy nii. 　

　Ngalan speexal halung, siiyuk budi stheyaq rrngayan lqlaq nii ge, sqitun kingal ka btakan sekuy, snqitan ka pungu na, spuyan knbaka naq knpruwan cenga sekuy ka hei qhuni, ma so hnriqan tikuh ka klabuy duri, irih na bbali peni. Mangal snqriyan qreti prmuxun sekuy truma. Scikul ka icil na, psdaling mguicil na de, dehuk betaq teru qango ka cnbuwan na ka bbali. Pssengal knthyaan, ma psdurik mccebu. Ki nii ka kesun pssengal laqi rseno ka “ halung klabuy ”nii. 　　