Seejiq Balay-Kumay ni ngiyaw rklic

Seejiq -Kumay ni ngiyaw rklic (賽德克族-熊與豹的傳說)

Sbiyaw, kumay ni ngiyaw rklic o msdangi balay. Niqan kingal jiyax, kumay ga rmngaw ngiyaw rklic kingal kari “Embhgay kana ka hiyi ta, naka ta rsuhun lhang ni pspingun ka hiyi ta”msa.

Kiya ni kumay ka plealay rmisuh lhang ngiyaw rklic, wada rsuhan suyang bi qtaan mqalux ni embhgay. Mqaras bi ka ngiyaw rklic, kiya ni rmisuh lhang kumay ka ngiyaw rklic. Wada asi kaguh bagah qrngul ni rnsuhan mqalux kana ka hiyi kumay da.

Mkla ka kumay do msaang balay, ssuling msaang ngiyaw rklic, ma su uxay dangi balay ka isu, duri ni mquri ngiyaw rklic sqapah, meisug bi ka ngiyaw rklic, wada asi usa qdowriq.

Kiya ni ana bitaq sayang, ida meisug bi kumay na ka ngiyaw rklic, qmita bi kumay do, qulung musa tgliying kska qpruhan sprig ka hiya.

Pnyahan pnatas(參考資料)

Tnhjil kari seejiq na Away Pawan(詹雪霞)