Sediq cocu pnngalan kari psnkxulan tasil

patas sspuwan 299 pneyyah patas: Qnpringan tnpusu sediq.

Mniq alang sediq Tehuyey, niqan kingal msskuxul ka qridil mi snaw, Hangan snaw u Pasuya, Hangan qridil u Sanmry. Bukuy daw wada mrdan mnarux ka Pasuya da. Niqan kingal diyax, qnlqihan bay lnglungan na muyas uyas ciid ka Sanmey, tnays bay qmita mnrdan Pasuya, skluwi balay ka hiya. Bawa na u diyun Pasuya, mksa dhuq kingal lhngaw Tasan, mtuhuy mniq hini ka kndusan dha. Qnbsiyaqan kngkingal lntudan diyax, madas sinaw payay musa qmita sapah ka hiya. Wa mtuhuy Pasuya ka hiya, enca rmngaw ka tnsapah Sanmay. Qtaan u kingal nanaq! Binaw ini bay rngaw uri. Babaw  na kngkwasan, tnrabu kingal laqi ka Sanmey da! Msupu miya tqita tnsapah ka dhiya. Mnhapuy kingal handay damac ka bubu Sanmay, wada qduun mkan kana ka hnpuyan mnniq babaw eqan idaw, kiya ini bay qtai ka Pasuya. Kingal nanaq u tnmkuan bawa bubu ka laqi u kiya ka laqi labu. Tmkuan bawa bubu rudan daw wada knpyiyux pusu wamin da!