Sdoyi (Sdawhiyi) bgihur

Sdoyi (Sdawhiyi) bgihur(鬼魂附身)

Msa ka Cen-rey-lin “ Nasi ku muda bqrus siida, ma ta musa mnarux hug??” Smiyuk ka Uan-sen-pin “ Iq! Nasi ta muda bqrus siida, rmngaw ta ga ta sseura naqih utux da, mhuqil seejiq sdawhiyi bgihur ka saw nii. Kiya kiya ni meisug kndadax muda siyaw bqrus ka seejiq, yaasa mhuqil ddadal niya ga sdawhiyi bgihur sqapah hiyi su.”

Muda ta habun siida, sqapah hiyi ta ka utux, ida musa mnarux ka seejiq, kiya ka kiya ni, meisug muda habun ka seejiq, seuxal seejiq ga ini uda ska habun hiya, pnaah ssiyaw mksa; yaasa mhuqil ddadal na utux musa sqapah hiyi.

Mnarux siida, musa miing seejiq psapuh sbiyaw, bukuy malu spuhan na do ga sqpahun utux ka hiyi su da msa ka hiya, nasi su pqita sapuh sbiyaw o kika malus u da. Kika kiya ni mduuy durun kmalu narux su, sbiyaw isa niqan kjiyax ka saw nii.

Pnyahan pnatas(參考資料)

Seejiq Balay snru kari sbiyaw gaya uuda-Teymi-Nawei(Cen-rey-lin) Maxal maspac kbkuy empitu klabuy----Away Pawan(詹雪霞)