Sari munang (台灣青芋)[smmalu patas | ida npatas sspgan ka smmalu patas]

Wana klwaan Taywan niqan ka sari munang nii, mniq llbu mi ckcka knrbawan dwiyaq ka hiya, mhru tsasaw, sqsiya mi cclaq hari dxral, ini skuxul thdawan ka hiya. msama ka cida wasaw na, phpah na u mbhuway, niqan ubal ka brah wasaw na, sqyuxan qsiya da u niqan mtumun drmun, sediq mi ccamac u smkuxul mkan qmuru na, rhiq qmuru na u msadu hari, mbhuway ka hiyi na ruma, pkmalu bay hiyi sediq ka qmuru na. 　

　Uka hari uqun cbiyaw han u, uqan bay sediq ka sari munang nii, asi ka bsiyaq hari hpuyan kiya ini kkrak uqun, nasi msmur hnpuyan sediq da u kiya mkrak uqun da; kika boyak dnii asi uda mulung, kmali mi qmeyruq mkan kiya; pdaan bey uyas sediq ka sari munang nii uri, kiya ni spruun bay qmita kndusan sediq cbiyaw. 　　