Sapah Ttgsaan kska alang
“Sapah Ttgsaan kska alang(部落教室)”
sun o slhayan knkla kndsan Truku ka pusu na. Yaasa nii ta mniq kska lala bi klgan knkla kndsan seejiq ni ungat ka rnisuh patas kari hciyan rudan ta sbiyaw uri. Aji ta sshungi o phiyug “Sapah Ttgsaan kska alang” slhayan knkla kndsan Truku o naa ta bi spruun lmnglung. Kiya do o stgsa “Sapah Ttgsaan kska alang” nii ga pusu na o knkla kndsan Truku, kiya o tminun ni smquri, uyas ni grig, tmsamat. Quri tminun o pnaah krig, tminun ta lala klgan qabang, lukus ,ni lubuy bilaq. Pnaah qwarux o tunun ta brunguy, pnaah uraw o tunun ta bluhing, gupuq. Quri smquri o pnaah qhuni smquri ta kayu, wihi, qaya cinun. Quri tmsamat o smluhay mgsbu buji, dmangar, dmhaw, qmlunug ni rahuq na hiya. Kana pseusa nii o tduwa sbrigun kkrana kndsan ta. Kiya do “Sapah Ttgsaan kska alang” nii ga aji wana smluhay ta knkla kndsan Truku o huya sun mkla dmuuy ka pusu na uri. Rhuq na nii ,“Sapah Ttgsaan kska alang” o kingal sun bgurah slhayan kska alang ni pseupu
pnyahan kari
[smmalu patas | ida npatas sspgan ka smmalu patas]- 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.