Sangas
Sangas(食茱萸)
[smmalu patas | ida npatas sspgan ka smmalu patas]
Niqan dha tnhnganan Tmukan ka sangas nii, tukingal u sangas mbanah, yasa mbanah ka rabu wasaw na, tudha u ini hayi qmqah qqbhni,yasa niqan pakaw kana pusu mi wasaw na ka sangas ,nasi ini qrahang ka sediq u pngalan na luqih da. Ngalan biyoq waru mkan traway ka wasaw na, phpah ciida na dmudul ttraway mi wewaru mi sqsaqic miyah hmuuc biyoq na; mtumun hari ka hiyi na, mhdadu ciida u niqan mqalux buuc ka ruwan na, uxay wana qqbhni ka mkan sangas nii, babaw pdngaan ciida u tduwa ngalan ucik makan da. Saw balay kiya nanaq sknxan ka wasaw brayaw, cbiyaw bay ha u stmuwan mi prnaxal dha ccamac mi ssukay mkan ha, cndulay hari da u psqrung dha abura mi smuwan dha sinaw uri ka wamil mi pusu na, uxay uri u lmlamu ka pprmaxal dha mkan cndulay hari da , so prmaxldha tohu mi cnyusan dha balung mi prmaxal dha sunguc mi psqrung dha teypura...dnii, knmalu bey uqun mi hmici malu bey sknxan quwaq uri ka sangas nii.