Sama pakaw(青莧)[smmalu patas | ida npatas sspgan ka smmalu patas]

Knbrgan na ka sama pakaw, tarux na mangan hari bbanah, msdhriq bi niqan hari mhnuk uban, msupu mhru ka wasaw, wasaw na mtuyan bi mdoriq, niqan wasaw rijig, mqapang phpah, bbaraw lipaxan seysay, eugu mstrun mkug dudux tarux. 　　

　　Msapuh alang seejiq sqita na ka sama pakaw nii, ssangan dha spawda smapux narux bi kbusan nhmuk, babaw sida na pakaw qraqil bi qluway uban yahan dha lumau malu bgihur utux. 　　

　　Sama pakaw malu mangan tarux bi sawas snciyusan seuqun, nglan bi snpual jiyax euqun sama balay seejiq Taiwan. saw ni qqeuqun ngaran dha bi malu musa qnpah dgiyaq sunan, nasai saw muit daw kiya saw ksbiyax bi psklixi hii. manu ka rdurudan ta o snpual dha ngaran kklegan kbusan nhmuk qnepahan sida, pusan dha smiyang hiya, iyux lumau utux bgihur meukan hndayu, saw sqduriq naqih utux bhring bi mangan biyax kndusang. 　　