Saisiyat-mnniq dwiyaq qalux sediq snsunguc

spngan pntasan 298 pnyahan: Yeyn-cu -min-wey-yeyn-huway

Cbiyaw,cbiyaw pa, musa mcbu ccamac ka sediq saisiyat, smdiyan kingal tipiq elu kasediq balay Garlih, skluwi balay mbahang dwiyaq hiya niqan ka sediq wa mthuway muuyas, hbaraw bay ka sediq snsun gusqalux wa tmumun tluung, muuyas kingal nanaq uuyas, saw hari wa muda poda kingal smapuh, lmngelung ka Gar-lih:“ma niqan bay biyax bhring ka sediq snsungus qakux nii, kiya uri u tduwa dmayaw ita ka alang Saisiyat ka sediq snsungus qalux daw, qulung balay snblayaq ka kndusan sediq da. Binaw prading umluk ka sediq snsunguc qalux,tmhri qqridil,prdingan na ini qqaras ka sediq saisiyat. Kiya ka mniq mnhdu pprngawan srpuhan kmtuy ciida daw, wada nanak alang ka dhdha sediq,wada wada mksa ka sediq snsunguc qalux nii, ini qlhangi wada tuting pnsaan dha durang mhuqil kana da.mkla wada mangal snpngan sediq saisiyat ka qbsuran snsunguc qalux, kiya daw smiyus msaang meysa:“sediq saisiyat,mpmangal utux rudan nami psdahu ka yamu.” Babaw na daw, mllutuc qmuyux piya bay idas ka quyux, wada daan mapa qsiya ka nniqan sediq saisiyat. Kiya ka ciida pa,miyah hini ka qusuran snsunguc qalux uri, rmngaw ka hiya:“Wada ka ncuxal han,miyah ku tmsa uuyas spuhan snsunguc ka yaku, asi psbalay lnglungan muuyas ka yamu.”Kiya daw, pspruun rmngaw ka qbsuran saisiyat:“babaw na saisiyat:“babaw na daw kngkingal kngkawas diyax kntiyan pryuxun ta smapuh snsunguc, psbalay lnglungan meysa utux snsunguc ini peyyah endaan mqraqil.”