跳至內容

Rqenux

Pnyahan Wikipidiya

Rqenux (水鹿)[smmalu patas | ida npatas sspgan ka smmalu patas]

Rqenux nii we camac meeniq dgiyaq paru, dgiyaq niqan rcilung kuxul na riyung meniq. Netun pseengun kana camac lmiqu Taiwang hini we yaani rqenux nii maha paru na bale, maha wano sume ka mgkala knpruwan hei na. ani si ini pntena ka nrihan na daha camac nii.

Tunguro rqenux(鹿茸)[smmalu patas | ida npatas sspgan ka smmalu patas]

Ye mnkdalax sknuwan ka brigun daha Plmukan ka tunguro rqerux nii rudan miyan? Ye daha hhwaun ka tunguro rqenux nii Plmukan duri we ini kela ka rudan miyan uri, Kari daha we kuxul riyung Plmukan ka tunguro rqerux. Prading hmeru idas 2 hari ka tunguro rqenux nii, dehuk idas 5 de mgqhuni ka tunguro rqenux nii di mesa, ini brigi Plmukan ka kiya denu.

Rriyux wawa dapa(鹿茸換取小牛)[smmalu patas | ida npatas sspgan ka smmalu patas]

Ye peeyah so sknuwan mrriyux miyan qyqeya ka Plmukan we nii ini klai di, berah ka ini yahi qmlahang Tanah Tunux ma hani hari yahan Tanah Tunux hayan we, kingal kseedan tunguro rqenux nii we daha wawa dapa tanah ka pnryuxan na, kari nii ssneeru na rudan alang klaali ma knmalu bale sllungelung daha.

Smeeliq dapa(牛隻的食用)[smmalu patas | ida npatas sspgan ka smmalu patas]

Wawa dapa pnryuxan daha tunguro nii de desun daha alang ma tbugun daha, saun daha paalix sapac pplaxan dapa alang daha nanaq. Ini pyqeyaq cbeyo meniq quri Paran ka rudan miyan, ado ka uka yqeyaq ma ini kela pyqeyaq, kika ini kela tmabul dapa duri; so kiya de paru ka dapa tnbugan daha dige, sseeliq daha so niqan oda tnsapah ma niqan oda tnalang, spuun daha mekan seediq alang.

Rnrihan rqenux(鹿的價值)[smmalu patas | ida npatas sspgan ka smmalu patas]

Rqenux nii ge egu rnrihan na ka heya, hei na we puqul ka kiya; tunguro na, derus na ma benac na we spriyux daha qyqeya Plmukan; meniq ka urac daha bukuy papak na de ngalan daha psnuyuk betur budi. Ado ka mkrkere ma paru betur na ka urac rqenux nii, malu bale ngalan psnuyuk betur budi.

Pteumal pptasun(參考資料)[smmalu patas | ida npatas sspgan ka smmalu patas]

https://zh.wikipedia.org/wiki/%E6%B0%B4%E9%B9%BF

https://zh.wikipedia.org/wiki/%E8%87%BA%E7%81%A3%E6%B0%B4%E9%B9%BF

1.0 1.1 1.2 1.3 1.4 臺灣水鹿(四目鹿). 行政院農委會特有生物保育中心.

2.0 2.1 台灣水鹿. 數位典藏與數位學習成果入口網.

李亦園等,1963,《南澳的泰雅人(上)》。臺北:中央研究院民族學研究所。

李亦園等,1964,《南澳的泰雅人(下)》。臺北:中央研究院民族學研究所。

廖守臣,1998,《泰雅族的社會組織》。花蓮:慈濟大學人文社會學院。

Tado Walis、Pawan Nawi、Pering Tado ma Ukan Siyac ka smneeru Dakis Pawan ka smnnetur