Rqda tru btunux

Rqda tru btunux 三石灶

Sapah rudan Truku sbiyaw ga phiyug sapah brah na o musa miying malu nniqan, saan dha kmeuruy bi ka dxgal phyugan sapah, ini bi phiyug spsipaw yayung ni quwaq ayug, qmyux do ida daun mapa rngsux ka sapah da. msbreenux msbalay ka mneglngug bi pspahan, mniq baraw qmita ni mtduwa qmlahang qmita yahan kmrmux pais ini bi hyhuya.

psdaran spi brah phiyug sapah 蓋屋前必須要夢卜

ana yaa hmjiyal ka pspahan do, smmalu piyi ni mtaqi hiya mk2 jiyax tmaga malu spi. Kiya o, psdaran spi sun Truku sbiyaw, malu spi sun o malu euda , kika hana mtduwa smmalu rqda ka phyugan sapah , Nasi naqih ka spi o asi ka miying dxgal isil duri, bitaq malu ka spi ,kiya do mlawa lutut aji uri o lupung eiyah dha dmayaw smmalu sapah.

gaya 3 btunux rqda 三石灶的意義

3 btunux rqda gaga ruwan sapah, kiya o pnskraya pnspuan tama, bubu ni laqi. tahut ga kska rqda o mqrapu mggealu kingal ruwan sapah sun dha ka kiya. Mtmay ruwan sapah o ga bukuy enduk ka srakaw bubu,ga narat rqda ka srakaw tama, mtaqi siida ga mquri rhngun sapah ka dqras na, gaga na psaun kiyig tqian na ka puniq pucing kklawa na kingal ruwan sapah. Niqan srakaw kneiyax sun ka siyaw qnabil iyax srakaw bubu  ni tama, rqda 3 btunux nii o ga mniq ska iyax srakaw bubu ni srakaw tama.tahut rqda o ini phngi ana knuwan.

pnyahan kari

資料來源: 口述耆老 Iyuq Ciyang, Iyang Taying 2015