Rnaaw taan

rnaaw taan

Rnaaw taan（Kari Tlu：大安森林公園）

Taan paru alang hini o niqan kingal saan bi msangay seejiq kdjiyax,rnaaw Taan rragan paru na o empusal rima lituk knpran txgal,ga mniq Taan paru alang ska hiya,gaga mniq Taypey ska bi alang,ssiyaw narat o Cien know nan ru,ssiyaw iril o Sin Sen nan ru,ssiyaw druma o He Ping Tun Ru,ssiyaw baraw o Sing yi ru,sluun na siida o empitu kmxalan spat hngkwasan ka prajin smalu,bitaq maspat kmxalan tru hngkwasan do ,kika kduun dha smalu kana ka Ta an rnaaw rragan,siida o dduwa rwahun ssawun mksa ni mrawa seejiq uri da.

Lala bi ka paru qhuni klgan ,dduwa saan sasaw ni msangay kana seejiq uri. Dhuq pspyian hmbragan karat do kika hbaraw bi seejiq ,saw srnabaw karat ka pspyian hmbragan karat ,nasi hrhagan karat o ungat hari seejiq ,saw misan ni sriyu paru bgihur ni paru quyux.saw rrgan Taan rnaaw ska hiya o ,niqan saw mrawa laqi bilaq rrgan,niqan sawun qmita seejiq dmhagun ni srhulan meuyas rrgaan,niqan saw kbiyax hiyi jjiyun,niqan lala klgan phpah,niqan ka saw sprit txgal,niqan lala bi klgan gbhni,lala bi ana manu klgan seejiq uri,saw keeman do niqan lala bi sasaw qnmdhan elug,niqan elug tdruy gakat,niqan ksaan elug seejiq,niqan lala bi ptasir ni ptunux,niqan rwaan qsiya ,niqan mslikaw ppaan tdruy,niqan ka psaan saw sudu, niqan ka psaan sngayan tdruy gakat , niqan ka lala bi tleegan ,tduwa muyas ni rmgrig uri saw sudu paru bi ni saw malu bi saan msangay nniqan.