Rmigaw sbrigan keeman

Rmigaw sbrigan keeman (夜市)

keeman jiyax sngayan gaga thngali hari siyaw alang Skangki.niqan kingal ngahan na "南濱公園"msa.llabang bi ngagut uri,hiya o gaga rmdax balay.phdaan lala bi klgan bbrigun ,uqun,mahun,hrpasun ni kana qngqaya djiun kjiyax.musa nami rmigaw sbrigan keeman siida o ida mu strung ka duma gaga mu tnhiyan qmeepah mseupu nami tuhuy empprngaw ni mkan bitaq nami mtngi. Empprngaw nami bitaq mhuwa ni mjiras mlawa ka laqi mu da ,hana nami msangay.mssang bi ka laqi mu kuyuh:Bubu!kiya da!brgani ku nii hug? brigan da do mqaras balay ka laqi mu kana. Tayal bi suyang gtaan ka pihiq rngayun gaga!msa Rmigaw sbrigan keeman ka hiya o ida asi ka marig. ungat ka ini barig musa sapah. Aji wana nanak qmita. mtngi ku mkan uri qmita ku lala balay klgan seejiq.Mdrumut balay smbarig ka seejiq sbrigan. Duri ni pgkla tnan ana manu qpahun o asi ka muda mkrbuk bi kana. Mttuka kana ngangut ni qtaan o mtkuni tunux ta da. Niqan kingal jiyax duri,strung nami saw sgealu seejiq,enduan paru mnarux baga ni qaqay ka hiya. snaw mu do asi angal pila puah kukul na ni sbgay na hyaan kana. ana manu qtaan ta rmigaw sbrigan keeman. kiya ka kndsan babaw dxgal. Tayal bi suyang musa Rmigaw sbrigan keeman.

參考文獻

• 鍾王秀娟. (2011). Wikipedia 維基百科 族語詞條試寫─原住民族語詞條 2011作品集. 教育部.