Rhenuk

Rhenuk(野草莓)

Smkila bi ana inu ka bubu rhnuk, ana saw ssiyaw elug, ssiyaw yayung, ssiyaw elug btunux, gmimax sspriq, bgurah hari bbuyu…dnii, ida qtaan hiya kana. 　　Ini kiisug puniq ka bubu na, nasi sqmaan do, babaw duri o ida tmrabaw duri, mowsa kmbgurah isil dxgal dungan.

　　Wasaw bubu rhnuk nii ga, ida kuxul bi mkan rqnux, miric… dsamac. Hiyi na o ida kuxul bi maka dssamac, dqduda, ana nanaq saw seejiq uri o smkuxul bi mkan uri. 　

　Rhnuk nii ka pusu bi uqun slaqi alang dgiyaq daya seuxal. Niqan kingal ka rhnuk utux ksun, msanay ka dhiya. Yasa mtna hari qtaan ka bubu dha, mtna hari qtaan ka hiyi dha uri. Ini tduwa mkan ka hiyi rhnuk utux. Hiyi rhnuk o ida kingal nanaq sknxan, msbasi ciway ni ssibu uqun ka hiyi rhnuk. Kiya ni kuxul bi makan laqi alang dgiyaq daya.