Rata•Mayaw
Rata•Mayaw / 陳誼誠 Rata Mayaw hiya o seejiq bi Psnawan/Ami snaw balay ka hiya,hngkawas na o ini dhut mrimal saw biyax bi ka paru uuda na,Kingal kbkuy empitu hngkawas Sayang o gaga qnpah Taypey kklawa tnpusu pusu bukung thowlang. Niqan kingal mniq alang parukklawa thowlang tnpusy ka qpahan na,seejiq Amis ka sapah na hiya, drumut bi ni saw sbilaq lnglungan na mniq sapah qpahan na nanak ,Hangan na o Rata Mayaw ,Hngkawas na sayang o mspatul mataru,pusu bi niniqan rrudan alang na o Kalikow Iri Antun,pnaah laqi bilaq siida o,ida dduhuy tama bubu na rudan mniq paru alang Sin pey nyusan.mangal kuyuh Atayal seejiq,gaga qpah ptasan tgsa alang ,niqan ghat dha laqi bilaq uri .msblaiq bi ni malu bi ka kingal ruwan sapah dha,mdka bi saw ita seejiq tnpusu txgal spluun ta malu bi knkla kndusan dha babaw uuda nniqan kingal ruwan sapah.
Rata Mayaw bukung pusu thowlang nii o,ga qpah mniq kklawa Taypey qpahun seejiq tnpusu,prngaw mu sayang do saw endaan na matas eelug,prajing pcingan na o mniq alang kalinko ,rudan na siida o qnpah etgcisa ptasan paru alang,ki do dsan rudan na pnaah laqi bilaq musa paru alang uri da,ptasan tgbilaq,tgska,ska tgbaraw,tgparu o ida mniq paru alang taypey hini,endka saw paru alang seejiq ka hiya uri.
Ptasan na ska tgbaraw ptasan Fu Sing,hido musa psdka muuda Tay Wan ptasan paru Cen ji ,paru bi ka endaan o,muda Tay Wan ptasan paru Cen ji pusu knkla hari ,kingal kbkuy mataru hngkwasan do muda mangal Pusu Knkla ptasan paru Min Ceu Si,paru bi tunux knkla na ka hiya,saw kika balay bi mdudut drumut na uri,saw knkla na ptasan matas o puda kari,puda seejiq tnpusu txgal,slhaan uuda seejiq,kndusan uuda seejiq,puda ttgsa,kika klaan na bi qpahan saw ptasan na bi.saw endaan na qqpahan uda o , (106.4-106.10)kingal kbkuy mataru hngkwasan spat idas bitaq maxal idas siida o qnpah mniq Cen Ji Ming Ciu tgparu ptasan/ Pusu Knkla ptasan paru gmquring dmayaw qpah, (106.9-106.11) kingal kbkuy mataru hngkwasan mngari idas bitaq maxal kingal idas siida o qnpah mniq Kaynan ptasan tgparu/dmayaw qpah, (106.5-106.10) kingal kbkuy mataru hngkwasan rima idas bitaq maxal idas siida o qnpah mniq qpahan cimisa klwaan seejiq tnpusu txgal/ gmquring sluun smalu qpah, (106.6-108.2)kingal kbkuy mataru hngkwasan mataru idas bitaq kingal kbkuy maspat hngkwasan dha idas siida o qnpah mniq Kuow S Kuan/pusu uuda qpahan, (106.7-108.10) kingal kbkuy mataru hngkwasan empitu idas bitaq kingal kbkuy maspat hngkwasan maxal idas siida o qnpah Sing Pey seejiq tnpusu txgal ptasan/qpahan pusu dmdul, (89.7-95.10) mspat kmxalan mataru mngari hngkwasan empitu idas bitaq mngari kmxalan rima hngkwasan maxal idas siida o qnpah Cen Ta seejiq tnpusu txgal ptasan /dmayaw gmquring smalu qnpahan, (95.11-96.8) mngari kmxalan rima hngkwasan maxal kingal idas bitaq mngari kmxalan mataru hngkwasan maspat idas siida o qnpah kklawa tnpusu seejiq pusu gaya/ dmayaw gmquring smalu qnpahan, (93.1-107.5) mngari kmxalan tru hngkwasan kingal idas bitaq kingal kbkuy empitu hngkwasan rima idas sayang o qnpah ppatas seejiq ttgsa/ qpahan pusu dmdul, (96.9-99.7) mngari kmxalan mataru hngkwasan mngari idas bitaq mngari kmxalan mngari hngkwasan empitu idas siida o qnpah Sing Pey Ung He paru alang ptasan/emptgsa.kika saw endaan na qpahan uuda na babaw txgal knkla na kndusan.
Rata Mayaw hiya o pnaah laqi bilaq ida qnbahan bi kari rudan ni mdrumut bi matas,muda mangal patas tgparu ptasan bukuy siida o,wana qpahun saw kklawa seejiq
Tnpusu ni dmayaw ka lnglungan na bi balay,pnaah malix mlata siida o,musa psdka Cen Ji tgparu ptasan pusu knkla hari,muda ka saw ptasan no da o kika ida mniq hiya ni dmayaw qpah uuda,lala bi ka qpahan bbiqan na pnaah paru baraw thowlan ,saw kika lala bi kklaan na ana manu euda,ni sdtu baraw ka knkla na,bturun na musa psdka pusu knkla ni muda duri.Bukuy muda psdka qpahan kklawa tnpusu o mngari kmxalan hngkawasan,kika psugun musa qnpah Taypey kklawa tnpusu pusu bukung thowlang ka sayang da.
Mniq qnpah Taypey kklawa tnpusu siida o,brajin o pnaah siyaw pusu thowlang dmayaw qnpah ni saw gmiing pdudun uuda qpahan,duri o pusu kndawa qnpah Taypey kklawa tnpusu gaya.hidow qnpah pusu knlawa tgcisa gaya thowlang qburing,lala qrapang na ni malu endan na paru saw ana manu qrasun uuda.saw endaan na o malu bi qtaan baraw thowlang,kido musa qnpah pusu knlawa qnpuring gaya thowlang ka kingal kbkuy tru hngkwasan ,siida o phiyuy saw muda embiyax Pey To Kay Ta Ke Rang malu bi qtaan,duri o kingal kbkuy spat hngkwasan bitaq kingal kbkuy rima hngkwasan siida,mkala hbaraw ka miyah ska qmita sapah ppqita smnlaan,pnaah mtrul rima kbhug seejiq mrana mspatul empitu kbhug seejiq da,dhut kingal kbkuy rima hngkwasan do mangal qpahan psdka knlawa tnpusu saw knsraban malu bi saan kklwaan niqan sapah ppqita smnlaan. Saw ita ana ima seejiq tnpusu ga,muuda da ana manu qnpahan siida o,asi ka drumut ni knbiyax bi qnpah kika mha ta mdka saw Rata Mayaw da.