Rai

Rai(鬼石櫟)

Rai nii u wana Taywan ka niqan, mhru ckcka bbuyu ka qqhuni na, msadu, mridil hari mi ini sdhriq ka pusu na, wasaw na u bbaraw mi mtumun hari, rakaw bukuy wasaw na u mqbulic, hiyi na u rbuwan kndux bay rakaw mqbulic rhiq na, wa ruwan hiyi na ka ttingun　mi qqrung dha mkan, mbhuway ka rakaw na. 　　Niqan ou hari kluwan ddiyun ka rai nii,uxay nanaq uqun ccamac mi sediq, duwan u smluun dha tyaun, uruc, knuroh, qolic mi pniric sapah, smluun dha　bhniq dangal mi slak, smluun dha duhung tkanun macu, ngalan dha qhuni tthuwan mi pchdaun dha ...dnii.

　　Rprapic, bbrihuc mi boyak ka smkuxul mkan hiyi rai nii,musa mkarang qhuni duma mi musa lmamu ntuting dxral duma,qyutan dha mangal ka rihiq na ha, kiya uqun dha ka hiyi na da; empekan ciida ka sediq u, rhqan dha bawa ka rihiq na nganguc balay han, kiya duhung dha dxral truma tnhuwan dha ka hiyi na ha, mhada ciida da u kiya ttingan dha mkan ka hiyi na da, qyutan dha quwaq mangal ka rhiq na, kiya uqun dha ka hiyi na da, prhpoh mi knmalu bay uqun ka hiyi na!