Qwarux
Qwarux-kari Tgdaya
[smmalu patas | ida npatas sspgan ka smmalu patas]Mesa ka kari rudan alang, egu riyung oda na ka qwarux nii ma, dooyun riyung ita Seediq. Cbeyo han we, mosa neepah ka rseno ma, ani naq mosa lmiqu, mmeeyah alang de moda mangal qwarux. Migin qwarux hmneru so cbuwan hido, ini angal mneniq qeting, ado mgipuh ka hmneru qeting ma, ini eniq dooyun.
Dehuk alang de bcbacun daha han ma, phdagun daha ngerac sapah daha. Mdengu du ge doosun ka quti na han, kika blequn dmaus dungan ka benac qwarux, qtaun mptinun so qyqeya maanu ma, pndngusun naq ttinun ka benac dnoosan. Kana ooda nii we daun daha mnsenge tikuh pneeyah neepah, uxe duri we daun daha qmuyux meniq sapah, mdrumuc riyung ka rudan ta cbeyo.
_with_fruits_(7844049166).jpg)
Egu ba ooda na ka qwarux nii, slmeun bruru, wahu bruru, rawa qcurux, bunuh; stqari ddooyan hlmadac, puyan, snbragan; ngalan snuyuk bbekuy phuyu sapah, smmalu behing, tibu babuy ma kadu rodux, kana dnii. Yaani gaga rhuqan smneeru ka duma dungan.
Qwarux- kari Truku
[smmalu patas | ida npatas sspgan ka smmalu patas]Niqan kingal jiyax, smiling ku “Tama rudan, ima ka snalu towkan rawa nii hug? Snalu manu ka towkan rawa nii hug?”Smiyuk knan ka tama rudan “Tninun mu nanaq wah! Snalu mu qwarux ka towkan rawa nii, kana ka brunguy bubu su rudan gaga snalu mu qwarux uri wah!” Sneegul ku smiling dungan “Nngalan su inu ka bubu qwarux hug?” “Ida smkila mrusaw dxgal ni mmaku ayug, mkaraw bowqax pusu qhuni mhru ka qwarux” msa ka tama rudan. Kndusan seuxal asi ka niqan towkan balay, towkan rawa, brunguy dnii seapa pnegalang ni qyqaya, kiya ni kngkingal tnsapah ga asi ka mkla tminun ka kngkingal snaw ksun. Ida uxay leexan ka tminun towkan rawa ni brunguy, asi ka musa smqic bubu qwarux lmiqu han, duri ni qlisun ka rhiq na laxun ka quci na. Tminun siida mquri nganguc ka hdriq rhiq, psyukun ppriyux ni ptpani mgul, kika mkray ni malu qtaan ka elug niya. qmiru niya o ida kuxul bi mkan seejiq tnpusu Taywan na dAmis. Qwarux ga ida uuqunbi seejiq sbiyaw, Rabu na qmuru o ngalun dha cmiyus, uxay uri o gmaxun dha buuc babuy mhanguc bgu. Gamil niya o ida tduwa sminaw dara,
Pusu pnyahan patas
[smmalu patas | ida npatas sspgan ka smmalu patas]kari Truku: empmatas, Lituk Teymu(詹素娥) Jiyax, 2023.