Quric pako

Quric pako(巒大衫)

Quric pako nii, msderux ka qhuni na malu phuyeun eruc sapah ma malu sknehun duri. Waso na de mgpako ki metaq hari baga ka doun seediq.

　　Cbeyo hari, egu bale seediq mhuma quric pako nii, ssaan daha mhuma neepa, ida daha malu dheran, ini pqululi dheran mesa, ma malu brigun sseediq duri. 　

　Pusu na qhuni quric pako nii, so ssiyo gamil na hiya, paru bale ka kesun daha tnuxu tnpusu gamil na, kiya ka kuhu daha riyung slumeun handai mahun ociya ma slumeun daha pqtaan seediq.

　　Bobo na phuma quric pako nii, phuma so brigan daha mukan di, malu bale ka nngalan daha pila ka Seediq, kiya ka egu hari qtaan seediq mhuma ciida. Ani si saya de egu naq ka gyugeun daha phumaan saya, asi naq ka bsiyaq ka phuma qhuni duri, kiya kndudun uka hari seediq mhuma saya di.