Quri mangal wauwa sbiyaw ka Truku

Quri mangal wauwa sbiyaw ka Truku 以前太魯閣族結婚的方法

pstrung kuyuh gneeluk 擄掠女性的結婚

(1) Kuyuh gneeluk paah seejiq isil alang.

(2) Dhuq alang ka Kuyuh gneeluk nii o mniq sapah Bukung alang.

(3) Asi ka muda snrwaan Bukung ni Rudan ngalang kari kika mtduwa mstrung wauwa nii ka risaw alang nii.

(4) Bukung ni Rudan ngalang kari ka embgay kana djiyun mstrung risaw ni wauwa

Dmulus aji uri o Blbil 搶婚

(1) Yaasa ungat rudan ni ungat mklawa mqrinut ni suyang bi risaw.

(2) mnda pnerngagan Bukung、rudan ngalan kari ni lutut risaw ka aangal kuyuh risaw nii.

(3) Yaasa ungat rudan ni ungat mklawa mqrinut ni suyang bi ni mdrumut bi qmeepah 1 wauwa.

(4) Mnda pnerngagan Bukung alang risaw ni Bukung alang wauwa.

(5) Mssruwa ni Jiyax meyiyah Dmulus aji uri o Blbil wauwa.

(6) Kana djiyun o paah niqan biyax seejiq risaw alang. keeguhun miyah mseupu mkan pntrian ka rudan ngalan kari ni lutut wauwa.

Malax、Mlealax、Mqqada 離婚

(1) Sgsapat ka snaw ni kuyuh ka mqqada.

(2) Mnda pnerngagan Bukung , rudan ngalang kari ni lutut.

(3) Muda maanaqih ka seejiq o paru bi pnsahug na.

(4) Ssruwa utux o asi ka phuqil babuy.

(5) Mssruwa lnlungan duri ka kana seejiq alang o mseupu mimah sinaw kana.

(6) Rudan mnaqih laqi ni seejiq mnda maanaqih o psruwa brah kana seejiq alang.

(7) Tai saw aji empstrung mangal luqih pnshugan utux.

Mgburux 分戶

(1) Tgqbsuran bi ka laqi snaw o meupu rudan mniq mdayaw rudan.

(2) Mangal kuyuh ka tgswayi laqi snaw ni niqan laqi dha do,tduwa emburux ka dha hiyi ina.

(3) Nasi emburux kadhiya o sgun dhyaan ka qaya sapah ni tmbgan.

(4) Quri lukus o niqan endhiya nanak.

(5) Gaga rpun ka nngalan uqun o tduwa musa mangal nanak.

(6) Quri dxgal ka narig na nanak o dsun dha nanak kiya.

(7) Qmita brax laqi ka rudan ni biqan na 1 lituk dxgal.

(8) Nasi niqan biyax na nanak o ini sgi ni musa nanak kmburah.

pnyahan kari

資料來源: 口述耆老 Iyang Taying 1997