Qulic pakaw(杉木)[smmalu patas | ida npatas sspgan ka smmalu patas]

Beyhing bay hnyuwan mi msama ka qulic pakaw nii, kiya ka cida na u mquri hari bawaw, qrqur hnyuwan na ka wasw niya, dudux wasaw na mqriqi mi mhnuk bay, phmaan dha ddwiyaq. 　

　Nniq minko kngkawas 60~70 ciida ka qulic pakaw u, kiya ka saan dha cmikun hmaan qhuni kluwan kkingal, cbiyaw han, ita sediq ngalan dha dxral alang phmaan na qulic pakaw, pnhmaan dha dhuq ka eqraqan ciida, babaw mnhdu eqraqan da u phmaun qulic pakaw dungan, kiya ka ciida u psmuwan dha smalu phiyu sapah, qqiya, tduruy, qhuni qtinuh, mi uruc deyki dnii.

　　Cnduray daw, adaw ka ou bay bbriwan ka phiyu qqiya nii, kiya ka pnhmaan qulic pakaw nii u uka hbangan na mi ini dha paqi da, niqan duma ini paqi ka qulic pakaw, htiyun dha psmalu ddiyun unisil da. 　　