Qulic bale/ qulic balay/ qulic balay紅檜

Kntanun bay msana mi beyhing hnyuwan na qhuni ka qulic balay, mniq hmuru ddwiyaq Taywan hini, kiya ka rhiq na u mpux mi niqan llbu ayu mhbin, baraw na pusu qmuru qhuni ni u niqan bay cida, adaw malu ka hnyuwan na, kiya ka mptuura bay ka elu qhuni truma, kiya uri u niqan Sknxan abura, ini kicu sliqan kuwi mi sbrawan, kiya u slmuwan malu bay qqiya, phyuwan sapah mi qtinuh.

File:Chamaecyparis formosensis.jpg

　　Cbiyaw nan, nsediq ta ita musa balay lmamu ssiyaw qsiya, uxay uri u mangal qhuni san dha posa pusu uruc sapah,qtinuh smalu kulu ubun mi qqiya.

　　Qlhangan Tanah Tunux Cida, adaw ka musa mqraq wa mniq dwiyaq na qhuni qulic balay, mirik alang sediq musa lmiqu smipaq qulic balay, kiya daw sluun dha knuruh sapah mi snkngakun qtinuh, hpyuwan dha sapah byasan laqi mi sapah mqlahan keysacu, kiya uri u smipaq kngkawas 1000 qulic balay, pdsanan Tanah Tunux Sbuway na phiyu sapah.

　　Mniq Taywan hini u pusu balay phmaan kluwan qhuni uri, spuwan dha malu bay qhuni qulic kiya, wana bsyqan bay hmaan diyax ka qulic balay ni, kiya ka tduwa uqraqun da.