Qulic (柳杉)[smmalu patas | ida npatas sspgan ka smmalu patas]

Qulic nii ga qqhuni ka hiya, asi ka musa lmiqu dgiyaq, kika tduwa qtaan.

Msama bay beyhing hnyuwan na ka qulic nii, so hari soki ka wasaw na, niqan dha mbhuway wasil bling hngak ka bukuy wasaw na, dudux wasaw na niqan mpbuuc na mhungul qumi, mniq mdakil ddwiyaq hiya.

　　Nniq minko kngkawas 60~70 ciida ka qulic nii u, kiya ka pusu balay saan cmikun hmaan qhuni kluwan kkingal, kiya uri u nniq ta Taywan hini, ita Sediq phmaan qulic qumi wasaw ini biyaw mhru kluwan qhuni.

　　Cbiyaw han, mniq ta alang dxral hhrus,(rmabang bay kiya ka dxral phmaan qhuni) tduwa ta qmita kana ka ita Sediq mhuma qulic, pnhmaan na yabay 20 kngkwasan, dhuq ka eqraqan ciida, musa bbuway patas mqlahang nqraqan daw, phmaan na qhuni qulic dungan, cnduray adaw ka ou bay bbriwan ka phiyu qqiya nii, kiya ka pnhmaan qhuni nii u uka hbangan na mi htiun dha da.

　　Qhuni na slmuwan dha smalu phiyu sapah, qqiya, tduruy, qhuni qtinuh, uruc deynki mi kulu skuan bqrus, sqmaan ta daw, hniti na bawah qbulic slmuun dha qbulic puniq uri. 　　