Quhing tunux

Quhing tunux

Niqan kingal qrinuc mqedil cdeyo, heya mnkndalax dgiyaq Truku, meyah quri alang hini. Ani knkana ka quhing tunux na mesa. Kiya yahun na rmiyux rodux ka quhing na; kingal quhing sige kingal rodux, daha quhing si ge knkingal tama rodux ma kingal bubu rodux si. Mqedil Paran sa, psaun daha tunux daha ka quhing rniyux daha rodux si, ma mrana tnbalung tunux daha, kiya ka quhing kana ka tunux daha di si. Ado ini pteeyux meepah ka seediq cbeyo, mqedil daha ano naq ttara rseno mnusa lmiqu, mekan wawa dheya, kiya ka mduru bobo harac ka mqdeil, mgiging quhing. Ini daha ba ngali ka biciq na, ma balung na, kiya ka pparu na ma niqan dara, kiya ka qrapun daha, ma kteun daha rupun ka quhing, siiyo daha doriq diyan sa. Mqedil shido daha toma hido ka snuunux daha, ma mtilux de, meyah mdakin snuunux baro ka quhing rudan di ma, kiya ka qrapun daha ma kteun daha rupun daha, siiyo daha doriq mesa.