Qrtibun(薏苡)

Qrtibun nii, hmeru ssiyo yayung ma karac muuxul, so hari bubu srqemu ma puto hnyegan na, ini phmai rudan ta qrtibun nii. 　

　Prading mheru hei na rako mgsama hayan, kndudul mgqalux, mgdheral, mgqbulic ma mgbhege dhenu. 　　So ka gamil na, qmuru na, waso na qrtibun ge, tbugan daha tnabu ma, mhada hei na qrtibun nii de, mqedil alang ta mosa lmamu qrtibun so ssiyo yayung hiya ma psaun daha rawa, mhedu lmamu de, desun daha smino ssiyo yayung hiya ka rutiq, ga ssedan hei na qrtibun nii hayan ma, phdagun daha so quri tsaso dungan.

　　Desun daha sapah de, mangal qumi ma, qriyun na sudu ga cceka hei na qrtibun han, so nii leexan slihu qumi dhenu mesa. Lmihu qumi ma lhugan daha skkingal skingal ka qrtibun nii, slmeun daha sllugan pcequr nduyung dehuk naq qndisan sllugan nduyung daha, duma naq ge, plpilan daha lukus tninun ratang ma ribun duri. 　　