Qqri
Qgeri/ Qqri/ Qegiri(栓皮櫟)
[smmalu patas | ida npatas sspgan ka smmalu patas]
Beyhing bay qhuni mtuting wasaw na ka qqri nii, rmabang bay kndux ka rhiq qhuni na, msdalih sdhriq ka cida na, skkingal ka wasaw na, niqan bay tuura so knrtan rupung ka ssiyaw wasaw na, mbhuway ka bukuy wasaw na, mdakil ckcka bbuyu ddwiyaq.
Tduwa uqun ka hiyi qqri nii, rmabang bay smkuxul mkan hiyi qhuni ka rapic ccamac dnii, kiya ka mniq ckcka lmahang puniq mi ddha hruwan qhuni nii u pusu bay kluwan qhuni uri, pngalan dha qqiya hmtur deyki, so spuyan mhnuk qhuni, cida qhuni nii u pngalan dha hmann ngiraw mi duhung dnii, qtinuh u slmuun phiyu sapah, tduruy, smalu asu, qtinuk sapah, mi thuwan puniq, kiya ka mtuting hiyi qhuni u hbaraw bay ka ita sediq miyah lmamu, skuwan na mi saan dha empulah.
Mniq ta alang sediq hini pa, kntanan qmita ka qhuni qqri nii, kiya ka qhuni nii u lxan bay mangal, mi sklaan mdakil alang hini.