Qnhduwan muyas

smsman Qnhduwan muyas

Kari Toda（都達賽德克語）

Qnhduwan muyas（畢業）

Mqaras nami smtrung diyax smsman mphdu nami muyas patas tucka pyasan ka saya.

Lmawa dqbsuran mi tnsapah nami ka pyasan, miyah msupu mqaras mhdu nami muyas patas. mblayaq nami bay muda kndkilan mi snlhayan nami kngkingal ratuc ka yami.

Muda psbiyax rmngaw kari mnan ka bukung pyasan mi dqbsuran mniyah, muway nami qnaras mi kndmatan pyasan ka yami, maku nami bay naqah kuxul tsrusoq doriq mbahang ka lnglungan nami.

Spuda nami dha pspung pstalang budi ka drudan ngalan kari alang, miyah msupu qmita dapil kndkilan nami ka dhiya.

Smblayaq dmurun mnan ka drudan mpklawa, “Kdrmti bay usa muyas patas biyaw duwan, iya bay lixi ka diyax sslhayan ana manu.” enca ka dhiya.

Muyas nami uyas mswayay ciida, sngkkingal nami mlatac pyasan ka qaqay nami, musa nami prading psramal smtrung burah kndusan babaw na ka yami da.

Kari Tgdaya（德固達雅賽德克語）

Mhedu pnyasan（畢業）

Ali mhedu pnyasan miyan ka saya.

Mlawa qbsuran alang meyah smbeyax kari yami.

Psseengun miyan na tmalang ka qbsuran alang.

Ima ka rmabang mbeyax tmalang, kiya ka biqun na snadu.

Dmurun yami ka qbsuran alang ma smbeyax mesa knbeyax meepah.

Muuyas uyas mhedu pnyasan, skkingal miyan mswaye, mquri ooda bgurah kndesan.

Kari Truku（太魯閣語）

Mnhdu muyas patas/matas（畢業）

Jiyax mnhdu nami muyas patas ka sayang.

Smqaras mnan ka tmnegsa mnan, duri o ptgaya knluus hngkwasan mnan ka rudan ngalan kari.

Pdaan nami na pspung smbu buji ka rudan ngalan kari.

Wada dmgiyal smbu buji o biqan dha snadu.

Pqblaiq dmurun ni dmudug rmngaw skdrumuc nami qmeepah ka rudan ngalan kari.

Cyeuyas nami mswayay siida, sngkkingal nami mkksa pyasasn mqquri bgurah kdsan.