Qmui(老荊藤)[smmalu patas | ida npatas sspgan ka smmalu patas]

Qmegi ge, wahil mgqhuni pgkaro, ttaan ssiyo hreyan qqhuni pkbobo ludux qqhuni baro, ma ssiyo ruru duri ka niqul na peni. ↵　　Qtehur ma smmaxal cida ka qmuru na wahil. Niqal rako mgqhuni uban runge han mgrabu, rudan de mntena ba palic mruurun kndkilan na ka waso na kiya. Spegun rima musa betaq maxal kingal, tgbaro na murux mgdoriq qndisan qtaan. Hei na ge, mgkeras mtapaq peni. ↵

　　Rbagan mphepah mttntanah qtaan, niqal ttikuh mgceyas ka ssiyo tuwax na truma, kuxul ba puqun wawa plale, kana ka waso na kuxul bale qtqitan daha duri.↵

　　Wahil qmuru daha ka waso na ka strmaun; speeniq btunux mdheriq mtapaq ssiyo ruru, ma mangal btunux biciq ruru hiya ka stuting tikuh wahil daha ka waso nii, speeyan beyuq na baciq peni. Gmaxan tikuh qsiya psaan tunux baro srteruc baga trima. Bobo tnrmaan ka tunux, snuunux, so ka knkerak tunux, mceka, mddengun mkkaric snuunux, uka ba ini na plxani ma pgdheriq sloun snuunux peni. Kiya ka kuxul bale strima tunux na mmqedil. ↵　　